26.04.2026 | 15:21
Իվետա Մուկուչյանի լուսանկարը կեղծվել է. կախազարդն իրականում խաչի տեսքով է
Վրաստանը ստացել է 1 մլն պատվաստանյութ. հուլիսի 5-ից կսկսվեն պատվաստումները
Քաղաքականություն
02.07.2021 | 23:02
Վրաստանն այսօր ստացել է չինական արտադրության «Սինոֆարմ» և «Սինովակ» տեսակի պատվաստանյութերի 1 մլն դեղաբաժին: Այս մասին քիչ առաջ անցկացրած մամուլի ասուլիսի ժամանակ հայտարարեց Վրաստանի վարչապետ Իրակլի Ղարիբաշվիլին: Այս մասին գրում է aliq.ge-ն։
Վարչապետի խոսքով, վաղվանից՝ հուլիսի 3-ից կսկսվի գրանցումը և արդեն հուլիսի 5-ից երկրում կմեկնարկի բնակչության մասսայական պատվաստումը: Վարչապետը կոչ արեց Վրաստանի քաղաքացիներին ցուցաբերել բարձր քաղաքացիական պատասխանատվություն և պատվաստվել:
Ղարիբաշվիլիի խոսքով, առաջիկայում ևս 500 հազարական դեղաչափ «Սինոֆարմ» և «Սինովակ» տեսակի պատվաստանյութի են սպասում, ինչպես նաև ձեռք է բերվել պայմանավորվածություն «Ֆայզերի» 1 մլն դեղաչափ ձեռք բերելու վերաբերյալ և հուլիսից կսկսվի փուլ առ փուլ նշված պատվաստանյութի մատակարարումը: Մինչև տարվա վերջ սպասվում է, որ երկիրը կունենա 4 մլն դեղաչափ պատվաստանյութ և հնարավոր կլինի նպատակային չափահաս բնակչության 60 տոկոսի պատվաստումը:
Հիվանդությունների վերահսկման ազգային կենտրոնի տնօրեն Ամիրան Գամկղրելիձեի խոսքով, հուլիսի 5-ից պատվաստումը կսկսվի դեռ «Սինոֆարմ» տեսակի պատվաստանյութով, ապա երկու շաբաթ անց, դիտարկելով իրավիճակը, որոշում կկայացվի «Սինովակով» պատվաստումների վերաբերյալ:
