14.12.2024 | 17:18
Երևանի 4 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
«Հայաստան» դաշինքը միջնորդել է, որպեսզի Վահե Գրիգորյանը չմասնակցի ՍԴ-ում իրենց դիմումի քննարկմանը
Հասարակություն
02.07.2021 | 15:50
ՀՀ Երկրորդ նախագահ Ռոբերտ Քոչարյանի ղեկավարած «Հայաստան» դաշինքը ընտրությունների արդյունքները վիճարկող հայցադիմումի հետ Սահմանադրական դատարան է ներկայացրել նաև միջնորդություն՝ գործին ՍԴ դատավոր Վահե Գրիգորյանի մասնակցության անհնարինության վերաբերյալ: Այս մասին այսօր հրավիրված մամուլի ասուլիսում հայտնեց դաշինքի անդամ, պաշտոնական ներկայացուցիչ Արամ Վարդևանյանը:
«Վահե Գրիգորյանը կոնկրետ գործով հանդես է եկել որպես դատավարական հակառակորդ՝ ընդդեմ Ռոբերտ Քոչարյանի, Սեյրան Օհանյանի, Արմեն Գևորգյանի»,- ասաց Վարդևանյանը՝ հավելելով, որ Վահե Գրիգորյանը նաև պաշտպանում էր հիշյալ անձանց առաջադրված քրեական օրենսգրքի 300.1 հոդվածը, որը ՍԴ-ը որակեց հակասահմանադրական:
Այս փաստերը համադրելով՝ Արամ Վարդևանյանը համոզմունք հայտնեց, որ Վահե Գրիգորյանն ընտրությունների գործով կարող է կանխակալ վերաբերմունք ունենալ:
Մանրամասները՝ տեսանյութում:
