17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Ջո Բայդենը ենթադրություն է հայտնել, որ գլոբալ տաքացումը կարող էր դառնալ Մայամիում բնակելի շենքի փլուզման պատճառ
Քաղաքականություն
02.07.2021 | 14:31
ԱՄՆ նախագահ Ջո Բայդենը ենթադրություն է հայտնել, որ գլոբալ տաքացումը կարող էր դառնալ Մայամիում Surfside Condo բազմահարկ բնակելի շենքի փլուզման պատճառ, գրում է Fox News-ը։
Միաժամանակ, Սպիտակ տան ղեկավարն ընդգծել է, որ ոչ մի ապացույց չունի կատարվածի վարկածների մասին, սակայն կան ենթադրություններ, որ ողբերգությունը տեղի է ունեցել ծովի մակարդակի բարձրացման պատճառով։
«Ես այդ հարցը չէի բարձրացնի։ Սակայն ողջ մնացածներից շատերն ու շատ ընտանիքներ խոսում էին գլոբալ տաքացման հետևանքների մասին»,- ասել է ԱՄՆ նախագահը զոհերի ընտանիքների անդամների հետ 3 ժամ տևած հանդիպումից հետո։
Բայդենը նաև խոստովանել է, որ շփվելով տուժածների ընտանիքների հետ՝ հիշել է իր սեփական անձնական ողբերգությունը, երբ ավտովթարի հետևանքով կորցրել է կնոջն ու դստերը, իսկ քաղցկեղից՝ որդուն։
Հիշեցնենք՝ Մայամիում 12 հարկանի բնակելի շենքը փլուզվել է հունիսի 24-ին։ Վերջին տվյալների համաձայն՝ զոհվել է 18 մարդ։ Եվս 145 մարդու ճակատագիր դեռևս անհայտ է։
Տաթև Ֆռանգյան
