10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Ինչո՞ւ Արմեն Սարգսյանը համառորեն չի հրապարակում Բրիտանիայի քաղաքացիությունից հրաժարվելու մասին հավաստագիրը
Քաղաքականություն
01.03.2018 | 16:20
Համաձայն Միացյալ Թագավորության կառավարության պաշտոնական կայքում առկա տեղեկատվության, բրիտանական քաղաքացիությունից հրաժարվելու դեպքում հրաժարվողը ստանում է համապատասխան փաստաթուղթ։
«Բրիտանական քաղաքացիությունից հրաժարվելիս անհրաժեշտ է լրացնել քաղաքացիությունից հրաժարվելու դիմում։ Այնուհետև, եթե Ձեր դիմումն ընդունված է, Դուք կստանաք «հրաժարվելու մասին հայտարարություն», որը Դուք կարող եք օգտագործել՝ ցույց տալու համար, որ Դուք այլևս Բրիտանիայի քաղաքացի չեք»,- նշված է կառավարության կայքում։
Հետևաբար՝ ՀՀ նախագահի թեկնածու Արմեն Սարգսյանը, եթե դիմել է Բրիտանիայի քաղաքացիությունից հրաժարվելու համար, պետք է ունենա նշված փաստաթուղթը։ Անհասկանալի է, թե ինչու է թեկնածուն խուսափում այն հրապարակելուց, չէ՞որ այդպիսով վերջ կդներ հանրության մեջ առկա կասկածները՝ իր առաջադրման լեգիտիմության շուրջ։
Լիլիթ Շաբոյան
