19.02.2026 | 21:27
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Սնկի պես աճելու են ինքնակամ կառույցները, եթե այսօր այս նախագիծն ընդունենք․ Վարդանյան. ՏԵՍԱՆՅՈՒԹ
Քաղաքականություն
30.06.2021 | 16:10
«Կա մի հայտնի արտահայտություն՝ իրավախախտումից իրավունք չի կարող ծագել. հետևաբար ինքնակամ կառույցները չպետք է դառնան օրինական. սա կանոնն է, բայց կան բացառություններ»,- այս մասին ԱԺ արտահերթ նիստում «ՀՀ քաղաքացիական օրենսգրքում» փոփոխություն կատարելու մասին օրենքի նախագծի առաջին ընթերցմամբ ընդունելու մասին հարցի քննարկման ժամանակ նշեց ԱԺ պետաիրավական հարցերի հանձնաժողովի նախագահ Վլադիմիր Վարդանյանը:
Ներկայացված նախագիծով արգելվում է համայնքային և պետական հողերի վրա ինքնակամ կառույցի օրինականացումը:
Վարդանյանը նշեց, որ ԱԺ պետաիրավական հարցերի հանձնաժողովը նախագծին բացասական եզրակացություն է տվել:
«Ինքնակամ կառույցների դեմ պետք է պայքարել արագ և արդյունավետ, բայց ինչո՞ւ ենք պայքարում հետևանքի դեմ, ինչո՞ւ պատճառի դեմ չենք պայքարում…
Ինքնակամ կառույցը մի բան է, տգեղ շինությունն այլ բան է. կան օրինական տգեղ «ասաբնյակներ» և կարող են լինել ինքնակամ գեղեցիկ կառույցներ: Պետք է ուշադրություն դարձնենք «ասաբնյակների» վրա, որոնք հնարավորություն են ունեցել օրինականացնելու, բայց որևէ իրավական տրամաբանության մեջ չի տեղավորվում այդ կառույցների այդտեղ գտնվելը»,- նշեց Վարդանյանը:
Նա նաև մտահոգություն հայտնեց՝ ընդգծելով. «Եթե այսօր այս նախագիծն ընդունենք, և այն ուժի մեջ մտնի 2022-ին, սնկի պես աճելու են ինքնակամ կառույցները:
Մանրամասները՝ տեսանյութում:
