02.11.2024 | 10:58
Ձորաղբյուրում բախվել են «Opel» և «Moskvich» մակնիշի մեքենաներ․ կա մեկ զոհ և մեկ տուժած
Համայնքի և պետության հողի վրա ինքնակամ կառույցը այլևս հնարավոր չի լինի օրինականացնել․ նախագիծ. ՏԵՍԱՆՅՈՒԹ
Տնտեսություն
30.06.2021 | 15:44
ԱԺ արտահերթ նիստում քննարկվում է «ՀՀ քաղաքացիական օրենսգրքում» փոփոխություններ կատարելու մասին օրենքի նախագիծն առաջին ընթերցմամբ ընդունելու մասին հարցը: Ներկայացված նախագիծով արգելվում է համայնքային և պետական հողերի վրա ինքնակամ կառույցի օրինականացումը:
Օրենքի նախագծի համահեղինակ Նիկոլայ Բաղդասարյանը նշեց, որ ներկա օրենսգիրքը թույլ է տալիս համայնքի ղեկավարին օրինականացնել համայնքի հողի վրա կառուցված ինքնակամ շինությունները։ Ըստ պատգամավորի` եթե անգամ համայնքի ղեկավարը չցանկանա օրինականացնել կառուցապատողի անօրինությունը, դա կարող է արվել դատական կարգով։
«Այս դրույթը թույլ է տալիս ապօրինի կառուցապատողին նույն օրը, երբ կառուցվում է շինությունը, դիմել դատարան։ Հայց ներկայացնելու պայմանով ավտոմատ կասեցվում է համայնքի ղեկավարի որոշումը, և թույլ չի տալիս համայնքի ղեկավարին քանդել այդ ինքնակամ կառույցը»,- ասաց Բաղդասարյանը՝ հավելելով, որ անօրինական կառույցները չքանդելու մեղավորը հենց այս օրենքն է, բայց տպավորություն է ստեղծվում, թե համայնքի ղեկավարը չի ցանկանում քանդել։
Պատգամավորի խսքով՝ նոր օրինագծի ընդունման դեպքում համայնքի և պետության հողի վրա կառուցված ինքնակամ շինությունը այլևս հնարավոր չի լինի օրինականացնել:
Մանրամասները՝ տեսանյութում:
