16.12.2025 | 23:16
BBC-ից Թրամփի փոխհատուցման պահանջը կարող է կազմել շուրջ 10 մլրդ դոլար
Ապրիլյան պատերազմի մասին ԱԱԾ-ն տեղյակ էր, «Սոլնցեպյոկներն» ու «Սմերչերը» մեկ ժամվա մեջ չէին կարող հասցվել սահման. Զարուհի Փոստանջյան (ՏԵՍԱՆՅՈՒԹ)
Քաղաքականություն
01.03.2018 | 12:33
ԱԱԾ-ի առջև ընդդեմ բռնաճնշումների բողոքի ակցիա իրականացնող «Երկիր Ծիրանի» կուսակցության նախագահ Զարուհի Փոստանջյանը, դիմելով ԱԱԾ աշխատակիցներին, նրանց ամոթանք տվեց, որ թույլ են տվել ծառայության ղեկավար նշանակել իր իսկ ձևակերպմամբ՝ «փողոցից» մեկին։
«Բա դուք չամաչեցի՞ք, էդ ո՞ւմ բերեցիք ձեզ ղեկավար նշանակեցիք»,- հարց ուղղեց Փոստանջյանը՝ հիշեցնելով, որ 2016թ․ փետրվարին միայն ինքն է բողոք ներկայացրել դատարան՝ ընդդեմ Կուտոյանի նշանակման:
«Ձեզանից չկար մեկը, որ գոնե Ձեր կազմից նշանակեիք։ Փողոցից բերեցիք այդ մարդուն, որպեսզի Սերժ Սարգսյանը լավագույնս պայմանավորվեր թշնամիների հետ և հանձներ 800 հեկտա՞րը։ Չնայած նրան, որ նախաձեռնել էր հանձնել մի քանի շրջաններ»,- հայտարարեց Փոստանջյանը՝ պնդելով. «Իհարկե, ոչ միայն ամոթ է, այլև՝ դուք դավաճաններ եք»։
Անդրադառնալով 2016թ․ ապրիլյան պատերազմից առաջ ԱԱԾ-ի աշխատանքին՝ նա ասաց․ «Եթե դուք Ազգային անվտանգության ծառայություն էիք, ունեիք տվյալներ, որ մեզ վրա տեղի է ունենալու հարձակում, իսկ դուք ունեիք այդ տվյալները, որովհետև անգարներից «Սոլնցեպյոկներն» ու «Սմերչերը» չէին կարող մեկ ժամվա մեջ հասնել մեր սահման, անգարներից դրանք մի քանի օր ուղևորվել են դեպի մեր սահման։ Թե՞ հայտնում էիք Կուտոյանին, որ Կուտոյանը հայտներ Սերժին և պայմանավորվեին պատերազմի մասին։ Չեք կանխել պատերազմը, դու՞ք եք Ազգային անվտանգության ծառայությունը։ Մեր 130 երեխայի կյանքը զոհեցիք, որպեսզի հանձնեք մեր հայրենի սուրբ հողերը»:
