11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Բայդենը Էրդողանին երեք ամիս ժամանակ է տվել՝ «տնային առաջադրանքը» կատարելու համար
28.06.2021 | 20:53
ԱՄՆ նախագահ Ջո Բայդենը Թուրքիայի նախագահ Ռեջեփ Թայիփ Էրդողանին երեք ամիս ժամանակ է տվել։ Այս մասին գրում է Regnum-ը՝ վկայակոչելով Korkusuz լրատվամիջոցի լրագրող Ահմեդ Թաքանին։
«Որպես կանոն՝ նման հանդիպումներից հետո մամուլի ծառայությունը սկսում է հասարակությանը մոլորության մեջ գցել։ Նրա համար, որպեսզի ստանա լսածի հաստատումը, անհրաժեշտ է գտնել հուսալի աղբյուրներ հակառակորդ կողմում, ինչն էլ լրագրողն արել է»,- գրում է Regnum-ը՝ նշելով, որ որպեսզի հասկանա, թե ինչի մասին են 45 րոպե տևած առանձնազրույցի ընթացքում խոսել երկու երկրների առաջնորդները, Թաքանը խորհրդակցել է ԱՄՆ հուսալի աղբյուրների հետ։
Նրա ստացած տեղեկությունը բացարձակ չի համապատասխանել այն տեղեկատվության հետ, որը ներկայացնում են թուրքական հասարակությանը։ Մասնավորապես, Վաշինգտոնը Թուրքիայի նախագահին մինչև սեպտեմբեր ժամանակ է տվել՝ «տնային առաջադրանքն» ամբողջությամբ կատարելու համար։ Եթե Անկարան դա չանի, ապա սեպտեմբերին Նյու Յորքում ՄԱԿ-ի նստաշրջանի շրջանակում երկու երկրների ղեկավարների հանդիպումը չի կայանա։
«Այլ կերպ ասած՝ «ընկեր Բայդենի» հետ հանդիպումը Սպիտակ տան զով սենյակում կդառնա երազանք։ Էրդողանը, որն ավելի վաղ ամեն միջոցներով փորձում էր թեկուզ հասնել Բայդենի հետ 5 րոպեանոց հեռախոսազրույցի, կրկին հայտնվել է դժվարին իրավիճակում»,- գրում է լրատվամիջոցը։
Չի նշվում, սակայն, թե ինչ առաջադրանքի մասին է խոսքը։
Հիշեցնենք, որ ԱՄՆ-ի ու Թուրքիայի նախագահների հանդիպումը տեղի է ունեցել հունիսի 14-ին Բրյուսելում ՆԱՏՕ-ի գագաթնաժողովի շրջանակում։
Էմմա Չոբանյան
