11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Նիդերլանդների խորհրդարանը կոչ է անում կառավարությանը ներկա չգտնվել Բաքվում` Եվրոպայի ֆուտբոլի առաջնությանը
Քաղաքականություն
24.06.2021 | 12:04
Նիդերլանդների խորհրդարանը ձայների ճնշող մեծամասնությամբ ընդունել է մի նոր բանաձև, որտեղ խորհրդարանը դիմում է կառավարությանը ներկա չգտնվել Բաքվում` ԵՎՐՈ 2020 մրցաշարերի քառորդ եզրափակիչ փուլի ֆուտբոլի մրցույթի ժամանակ, եթե Նիդերլանդների ազգային հավաքականը Բուդապեշտում հաղթի։ Հոլանդահայ կազմակերպությունների ֆեդերացիան ակտիվ մասնակցություն է ունեցել բանաձևի ընդունման գործընթացում. տեղեկացնում են Նիդերլանդներում ՀՀ դեսպանությունից:
«Հաշվի առնելով այն, որ Լեռնային Ղարաբաղում 2020-ի վերջին 40-օրյա պատերազմից հետո խախտվել է հրադադարի պայմանագիրը և պատերազմի միջազգային օրենքը, ավելի քան 200 հայ ռազմագերիներ դեռ պահվում են, այդ թվում ՝ Բաքվում, և որ կա նաև «Ռազմական ավարի պուրակ», որը կահավորված է այդ թվում զոհված հայերի սաղավարտներով, հաշվի առնելով քաղաքական-ռազմական իրավիճակն Ադրբեջանում, կառավարությանը կոչ է արվում կառավարական պատվիրակություն չուղարկել Բաքու, եթե Հոլանդիայի ազգային հավաքականը մասնակցի ֆուտբոլի մրցույթին Բաքվում»,-ասված է բանաձևում։
