16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Խորհրդարանը կարող է ցույց տալ, որ սա ընդամենը փողի խնդիր է և փչացնեն, վարկաբեկեն «Մարտի 1-ի» քաղաքական բնույթը․ Արամ Մանուկյան (ՏԵՍԱՆՅՈՒԹ)
Քաղաքականություն
28.02.2018 | 14:25
«ՀԱԿ» քարտուղար Արամ Մանուկյանն այսօր լրագրողների հետ զրույցում վստահեցրեց՝ «Մարտի 1-ի» գործը և՛ իրավական, և՛ քաղաքական առումով տեղից չի շարժվել:
«Այս պահին միակ հույսը ՄԻԵԴ-ն է։ Հույս ունեմ, որ այս տարի Եվրոպական դատարանում նոր ինչ-որ բան կլինի»,- ասաց Մանուկյանը։
«ՀԱԿ» քարտուղարը տեղեկացրեց՝ օրեր առաջ «Մարտի 1-ի» զոհերի հարազատները նամակ են ուղարկել Եվրոպական դատարան․ «Ծնողները դատանից բացատրություն են ուզում, թե ինչու է գործն այդքան ուշանում»։
Արամ Մանուկյանը հորդորեց չհավատալ իշխանության խոստումներին, թե «Մարտի 1-ի» ոճրագործության դեպքերը կբացահայտվեն։ Բանախոսը նշեց, ինքը նմանատիպ բազում խոստումներ է լսել, որոնք մնացել են անկատար․ «Իշխանությունները մեյմունություն են անում, բլեֆ են անում, թե ուզում են գործը բացահայտել։ Դա հերթական խաղն է, հնարքն է, որը փորձում են կիրառել, սա ամենևին լուրջ չէ։ Միամիտ չլինեք, թե իշխանությունը կընդունի քաղաքական փատաթուղթ ու ինքն իրեն կմեղադրի «Մարտի 1-ի» ոճրագործության համար»,- ասաց բանախոսը։
Իսկ Խորհրդարանում կազմակերպված լսումների հետ կապված Արամ Մանուկյանը լուրջ մտավախություն ունի․ «Կա հնարավոր վտանգավոր սցենար՝ հայտարարության մեջ, որը կարող է ընդունել Խորհրդարանը, քաղաքական մասը չի ընդունվի, կընդունվի կոմպենսացիայի մասը և դրանով Խորհրդարանը կարող է ցույց տալ, որ սա ընդամենը փողի խնդիր է և փչացնեն գործը, վարկաբեկեն «Մարտի 1-ի» քաղաքական բնույթը»:
Մանուկյանն ասուլիսի ընթացքում ներկայացարեց նաև իր, Աշոտ Սարգսյանի, Արմեն Խաչատրյանի հեղինակած «Մարտի 1-ի ոճրագործությունը» գիրքը, որը նրա բնորոշմամբ՝ «Մարտի 1-ի» զոհերին նվիրված հուշարձան է։
Առավել մանրամասն՝ տեսանյութում:
