20.05.2026 | 13:16
Հուշել եմ՝ միլիոնավոր դոլարների է հասնում, մանրամասնել չեմ կարող․ Հայրապետյանը՝ զենքի արտահանման մասին․ ՏԵՍԱՆՅՈՒԹ
Իրանի միակ ատոմակայանը դադարեցրել է աշխատանքը արտակարգ իրավիճակի պատճառով
Քաղաքականություն
21.06.2021 | 14:28
Իրանում գործող միակ ատոմային էլեկտրակայանի աշխատանքը դադարեցվել է արտակարգ իրավիճակի պատճառով։ Պետական Tavanir ընկերության խոսնակը հայտնել է, որ Բուշերի ատոմակայանի աշխատանքը դադարեցվել է հունիսի 19-ին և կտևի երեքից չորս օր, գրում է DW-ի ռուսական ծառայությունը:
Ընկերության ներկայացուցիչը չի պարզաբանել, թե ինչ տեխնիկական խնդիրներ են առաջացել ԱԷԿ-ում, միայն հայտնել է, որ չեն բացառվում էլեկտրաէներգիայի մատակարարման խափանումները։ Ավելի վաղ Tavanir-ը հայտնել էր, որ Բուշերի ԱԷԿ-ում վերանորոգման աշխատանքներ են, որոնք կտևեն մինչ հունիսի 25-ը։
Մարտին Իրանի իշխանությունները հայտնել էին, որ Բուշերի ԱԷԿ-ը կարող է դադարեցնել աշխատանքը, քանի որ Իրանը ԱՄՆ-ի պատժամիջոցների պատճառով ի վիճակի չէ Ռուսաստանից գնել պահեստամասեր ու սարքավորումներ։
Հավելենք, որ Բուշերի ԱԷԿ-ն աշխատում է Ռուսաստանում, այլ ոչ Իրանում արտադրված ուրանով և գտնվում է ՄԱԳԱՏԷ-ի դիտորդների հսկողության տակ։
Տաթև Ֆռանգյան
