10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Ինչպես են Ռոբերտ Քոչարյանի գրասենյակից մեկնաբանում «Մարտի 1»-ի հետ կապված նախկին նախագահին ուղղված վերջին մեղադրանքները
Քաղաքականություն
27.02.2018 | 17:11
«Մարտի 1»-ի գործով ԱԺ-ում կազմակերպված վերջին լսումների ընթացքում շատերի համար անսպասելի կերպով «Մարտի 1»-ի իրադարձություններն ուսումնասիրող ԱԺ ժամանակավոր հանձնաժողովի նախկին նախագահ Սամվել Նիկոյանը հայտարարեց, այսօր էլ պնդեց, որ այս գործով պետք է հարցաքննվի Հայաստանի երկրորդ նախագահ Ռոբերտ Քոչարյանը։
Factor.am-ը երկրորդ նախագահի դիրքորոշումը պարզելու համար կապվեց վերջինիս գրասենյակի ղեկավար Վիկտոր Սողոմոնյանի հետ։
-Պարոն Սողոմոնյան, ինչպե՞ս է երկրորդ նախագահը վերաբերվում «Մարտի 1»-ի իրադարձություններն ուսումնասիրող հանձնաժողովի նախկին նախագահի, նաև մի շարք ընդդիմադիրների պնդումներին, որ «Մարտի 1»-ի գործով Ռոբերտ Քոչարյանին պետք է հրավիրել հարցաքննության։
-Շնորհակալություն շատ։ Ուրիշ հարց ունե՞ք ուզում էի իմանալ, թե միայն դա է։
-Ունեմ, պատասխանեք, կշարունակեմ։
-Չէ, չեմ ուզում պատասխանել, եթե ուրիշ հարց ունեք՝ խնդրեմ տվեք, եթե կարիք լինի՝ կպատասխանեմ։
-Որոշ ընդդիմադիրներ, , օրինակ՝ ԱԺ «Ելք» խմբակցության անդամ Արամ Սարգսյանը, նշում են, որ ՀՀԿ-ի կողմից «Մարտի 1»-ի սլաքները դեպի Ռոբերտ Քոչարյանն ուղղելու հստակ միտում են տեսնում։ Դուք նման միտում տեսնո՞ւմ եք։
– Բան չունեմ ասելու։ Ունեք ուրիշ հարց, ուրիշ թեմայով հարց ունե՞ք։
-Այս թեմայով երկու հարցերի մասին էլ ոչինչ չունե՞ք ասելու։
-Այս թեմայով հարցազրույց չեմ ուզում տալ, եթե այլ թեմայով հարցեր ունեք՝ միգուցե կարողանամ օգնել Ձեզ։
Սողոմոնյանը շնորհակալություն հայտնեց հարցերի համար ու զրույցն այդքանով ավարտվեց։
Լիլիթ Շաբոյան
