09.06.2026 | 19:44
27 պատռած քվեաթերթիկ վավեր ճանաչվեց․ «Ծալածները համարել են անվավեր ու պատռել». ՏԵՍԱՆՅՈՒԹ
ԵՏՄ-ում ալկոհոլային ու ծխախոտային ապրանքատեսակների համար միասնական մակնշում չի կիրառվի
Տնտեսություն
18.06.2021 | 15:59
Եվրասիական տնտեսական հանձնաժողովի (ԵՏՀ) խորհուրդը ոչ նպատակահարմար է ճանաչել ԵՏՄ շրջանակում ալկոհոլային ու ծխախոտային ապրանքատեսակների համար միասնական մակնշման կիրառումը։ Սույն որոշումն ուժի մեջ է մտնում հունիսի 18-ից, գրում է EurAsia Daily-ն։
Միասնական պիտակավորման համակարգ չկիրառվող ծխախոտային արտադրանքի թվում են ծխախոտը, սիգարը և «հեղուկ» նիկոտինը, որը նախատեսված է վեյփերի համար: «Ալկոհոլայինների» ցանկում են ներառված գինին, կոնյակը, վիսկին, ռոմը, ջինը, օղին և այլ ոգելից խմիչքներ։
Որոշումն ընդունված է ԵՏՄ-ում ապրանքների մակնշման համակարգի մոդելի հիման վրա։ Այս համակարգը կարող է կիրառվել ցանկացած ապրանքատեսակի համար, որոնք կորոշվի պիտակավորել Միությունում։ Սակայն որոշ ապրանքներ չեն ներառվում այդ ցուցակում՝ արտադրության ու շրջանառության առանձնահատկությունների պատճառով։ Նման ապրանքների համար մակնշման առանձին կանոններ կորոշվեն։ Այս կապակցությամբ ԵՏՀ խորհուրդը որոշում է կայացրել, որ նպատակահարմար չէ հիմնական մոդելի շրջանակում ծխախոտի և ալկոհոլի մակնշումը։
Տաթև Ֆռանգյան
