11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Տաթևի վանական համալիրում կայացել է «Ախթամար» լարային քառյակի համերգը
Մշակույթ
17.06.2021 | 12:33
«Տաթևի վերածնունդ» ծրագրի շրջանակում հունիսի 16-ին Տաթևի վանական համալիրի բակում տեղի ունեցավ «Ախթամար» լարային քառյակի (Ֆրանսիա, Բելգիա) բացօթյա համերգը՝ միտված Տաթևի մշակութային կյանքի զարթոնքին. տեղեկացնում են IDeA հիմնադրամից:
Այս տարի լարային քառյակը համերգներով է հանդես եկել Երևանում, Գյումրիում, Հառիճավանքում, Վանաձորում, Եղեգնաձորում, Ջերմուկում, Գորիսում և նաև Տաթևում։ Քառյակի համերգները Հայաստանում կազմակերպել է «Կադանս» անսամբլը՝ ՀՀ Ֆրանսիայի դեսպանության աջակցությամբ։
Արտասահմանում հայտնի «Ախթամար» քառյակի առաջին ջութակը հայազգի Կոլին Ալեսյանն է: Քառյակի կազմում հանդես են գալիս Ջենիֆեր Պիոն (2-րդ ջութակ), Օնդին Սթասիկը (ալտ) և Սիրիլ Սիմոնը (թավջութակ):
Համերգի ընթացքում ելույթ ունեցավ նաև Տաթևի մանկական երգչախումբը, որը գործում է 2013 թ․-ից՝ «Տաթևի վերածնունդ» ծրագրի շնորհիվ։
Համերգին ներկա էին Տաթև համայնքի բնակիչներ, երիտասարդներ և Տաթևի վանական համալիր այցելած զբոսաշրջիկներ։
Համերգի ընթացքում ելույթ ունեցավ նաև Տաթևի մանկական երգչախումբը, որը գործում է 2013 թ․-ից՝ «Տաթևի վերածնունդ» ծրագրի շնորհիվ։
Համերգին ներկա էին Տաթև համայնքի բնակիչներ, երիտասարդներ և Տաթևի վանական համալիր այցելած զբոսաշրջիկներ։
