07.10.2026 | 21:38
Ովքեր են ղեկավարում Սյունիքի համայնքները․ քաղաքական անցյալ, բիզնես կապեր և քրեական վարույթներ
Խստությունը Փաշինյանի կողմից ավելի շատ պետք է լինի. Վարդգես Գասպարին` Փաշինյանի մուրճի մասին. ՏԵՍԱՆՅՈՒԹ
Քաղաքականություն
15.06.2021 | 21:48
Համակրում եմ «Քաղաքացիական պայմանագիր» կուսակցությանը, այսօր եկել եմ Սյունիքի մարզ, այստեղ մասնակցել եմ հանրահավաքներին: Այս մասին Factor.am-ի հետ զրույցում ասաց քաղաքացիական ակտիվիստ Վարդգես Գասպարին:
«Նախկին իշխանությունների օրոք ես բողոքում էի բռնությունների դեմ և պահանջում էի լինել բարեկիրթ: Գործող իշխանությունն ամեն կերպ բախվում է հակահեղափոխությանը, կոնկրետ Ռոբերտ Քոչարյանի և Սերժ Սարգսյանի դավադրություններին: Երևի եթե ես էլ լինեի պաշտոնյա, չէի կարողանա զսպել իմ զայրույթը»,- նշեց Գասպարին՝ անդրադառնալով դիտարկմանը, որ քարոզարշավի ժամանակ հնչում են սպառնալիքներ:
Անդրադառնալով Փաշինյանի հռետորաբնությանը, քարոզարշավի ժամանակ որպես խորհրդանշան մուրճի կիրառմանը՝ Գասպարին նշեց. «Խստությունը Փաշինյանի կողմից ավելի շատ պետք է լինի, ես ավելի շատ կցանկանայի, որ խստություններն իրականում կիրառվեին, քան թե դրանց մասին հայտարարվեին: Հուսով եմ, որ խստություն կկիրառվի ընտրություններից հետո»:
Մանրամասները՝ տեսանյութում:
