31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Ո՞վ է ավելի շատ ներդրում խոստանում․ քաղաքական 4 ուժերի ծրագրերի համեմատությունը․ ՏԵՍԱՆՅՈՒԹ
Քաղաքականություն
15.06.2021 | 20:30
Տարեկան շուրջ 3 մլրդ դոլարի ներդրում։ Ներդրումների մասով սա ամենամեծ խոստումն է, որ տվել են Հայաստանի նախկին կամ ներկա ղեկավարներին ներկայացնող քաղաքական ուժերն արտահերթ ընտրությունների նախընտրական ծրագրերում։
Կառավարության գործող ղեկավար Նիկոլ Փաշինյանի «Քաղաքացիական պայմանագիր» կուսակցության ծրագրում նշված է հետևյալը․ «Ներդրում/ՀՆԱ հարաբերակցությունը չպետք է նվազ լինի 25%-ից: Տնտեսական աճի թիրախին հասնելու նպատակով անհրաժեշտ է լինելու օտարերկրյա ուղղակի ներդրումների և ՀՆԱ-ի 6% հարաբերակցություն»:
Երկրորդ նախագահ Ռոբերտ Քոչարյանի ղեկավարած ուժը 3 մլրդ դոլար ներդրումներ խոստանում է ոչ թե մեկ, այլ 5 տարում։ «Հայաստան» դաշինքի ծրագրում նշվում է․ «Նշանակետն է՝ առաջին տարում ապահովել առնվազն 500 մլն դոլարի ներդրում, իսկ 5 տարում ընդհանուր ծավալը հասցնել առնվազն 3 մլրդ դոլարի»։
Երրորդ նախագահ Սերժ Սարգսյանի հետ կապված «Պատիվ ունեմ» դաշինքը ներդրումների մասին թվեր առհասարակ չի նշում։ Դաշինքի ծրագրում հիշատակվում է ներդրումային միջավայրի բարելավումը՝ որպես տնտեսական քաղաքականության 4 խնդիրներից մեկը։
Առաջին նախագահ Լևոն Տեր-Պետրոսյանի ղեկավարած ՀԱԿ-ը նախընտրական ծրագրում ընդհանրապես չի անդրադառնում ներդրումներին։ Տնտեսական մասն այնտեղ ներառում է տնտեսության խրախուսումը։ ՀԱԿ-ի ծրագրում հիշատակվում է նաև տնտեսական մեկուսացման վերացման անհրաժեշտությունը, ըստ որի՝ պետք է ձեռնամուխ լինել Մեղրիից դեպի Ռուսաստան «Հյուսիս-Հարավ» երկաթուղային, ավտոմոբիլային և լուսամալուխային միջանցքի կառուցման նախագծի իրագործմանը և նպաստել շահագրգիռ երկրների կոալիցիայի ձևավորմանը։
Մանրամասները՝ տեսանյութում։
Գարիկ Հարությունյան
