16.12.2025 | 09:40
ՀՀ որոշ շրջաններում ձյուն է տեղում․ ինչ իրավիճակ է ճանապարհներին
Այսօր մեկնարկում է ԵՎՐՈ-2020-ը
11.06.2021 | 20:56
ՈւԵՖԱ-ի ԵՎՐՈ-2020-ին այլևս սպասել պետք չէ։ Եվրոպան պատրաստ է մեծ ֆուտբոլին․ կորոնավիրուսային համավարակի հետևանքով հետաձգված մրցաշարն այսօրվանից սկսած մեկ ամիս շարունակ ֆուտբոլասերներին մարզադաշտում ու էկրանների առաջ գամած է պահելու։ 24 հավաքականներ պայքարի մեջ են մտնում այդքան սպասված ԵՎՐՈ-2020-ի գավաթի համար։
Ավելի քան մեկ տարի հետաձգված մրցաշարի բացման խաղը տեղի կունենա այսօր՝ Հռոմի Օլիմպիական մարզադաշտում, որտեղ ուժերը կչափեն Իտալիայի ու Թուրքիայի հավաքականները, իսկ կիսաեզրափակիչն ու եզրափակիչը տեղի կունենան Լոնդոնի «Ուեմբլի» մարզադաշտում:
Մի քանի հետաքրքրական փաստ ԵՎՐՈ-2020-ի մասին
- Պատմության մեջ առաջին անգամ Եվրոպայի առաջնությունը կանցկացվի երկուսից ավելի երկրում։ Խաղերը կանցկացվեն 12 տարբեր երկրներում, ընդ որում՝ նրանցից շատերն առաջին անգամ կընդունեն խոշոր միջազգային մրցաշար՝ Ադրբեջանը, Դանիան, Իռլանդիան, Հունգարիան, Ռումինիան և Շոտլանդիան:
- Ֆինլանդիան միակ երկիրն է, որը նորամուտը նշել է արդեն որակավորված 20 թիմերի շարքում: Եվրոպայի վերջին առաջնության փլեյ-օֆֆ են դուրս եկել Իսլանդիան, Հյուսիսային Իռլանդիան, Սլովակիան, Ուելսը:
- Պատմության մեջ առաջին անգամ VAR-ը կօգտագործվի Եվրոպայի առաջնությունում։
- 12-ն այս տարվա մրցաշարի առանցքային թիվն է։ Առաջնությունը կանցնակցվի 12 երկրների 12 քաղաքներում հունիսի 12-ից հուլիսի 12-ը։
Մերի Մանուկյան
