30.04.2024 | 23:59
Ժիրայր Սեֆիլյանն ազատ է արձակվել
Ոնց որ հատուկ «բզեին», որ պատերազմ լիներ. Շուշիի ինագուրացիան, օրինակ, չարժեր․ Քոչարյան. ՏԵՍԱՆՅՈՒԹ
Քաղաքականություն
07.06.2021 | 15:23
«Եթե ներկայիս իշխող ուժն իշխանության չգար, հայկական կողմը դեռ 30 տարի հմուտ բանակցելու հնարավորություն կունենար: Այս մասին Մեղրիում «Հայաստան» դաշինքի քարոզարշավի ժամանակ, անդրադառնալով բանակցությունների թեմային` նշեց ՀՀ երկրորդ նախագահ, «Հայաստան» դաշինքի ցուցակը գլխավորող Ռոբերտ Քոչարյանը:
Նա նշեց, որ Ադրբեջանը ձեռք էր քաշել նախկին ԼՂՀ-ից և հասկանում էր, որ միջանցք չի տրամադրվելու, քանի որ ԼՂ-ն չի կարող անկլավային վիճակում զարգանալ։ Սակայն, ըստ Քոչարյանի, Ադրբեջանը հույս ուներ, որ ՀՀ-ն կարող է մյուս շրջանները վերադարձնել։
«Ճիշտ բանակցելն այն է, որ դու ո՛չ տաս այդ հույսը, ո՛չ էլ կտրես այն։ Իսկ այս իշխանությունն այսօր մի բան է ասել, վաղը` մեկ այլ բան, ստում էր միջնորդներին։ Այս իշխանությունն ասում էր` Շուշին մայրաքաղաք են սարքելու, և ոնց որ բզեին ու ասեն` հույս չունենաք, որ բանակցությունների միջոցով կարող եք մի բանի հասնել»,- նշեց Քոչարյանը:
Նրա խոսքով` Շուշին զգայուն թեմա էր ոչ միայն հայերի, այլև ադրբեջանցիների համար։ Երբ Քոչարյանը բանակցություններ էր վարել, ադրբեջանական կողմը միշտ հետաքրքրվել է, թե Շուշիի հարցը ինչպես է լինելու։ Իսկ այս իշխանությունը, ըստ Քոչարյանի, արեց ամեն ինչ, որ պատերազմն անխուսափելի լինի։
Մանրամասները՝ տեսանյութում:
