09.06.2026 | 15:10
«Հայաստան» դաշինքը ՍԴ կդիմի // Քվեների վերահաշվարկ մի շարք ընտրատեղամասերում․ ԼՈՒՐԵՐ
«Հայվան, անասուն» բառերի իմաստը գիտե՞ք․ Ուրիխանյանը՝ առողջապահության փոխնախարարին. ՏԵՍԱՆՅՈՒԹ
Հասարակություն
03.06.2021 | 12:32
«Հայվան բառի իմաստը գիտե՞ք՝ անասուն, կենդանի, կենդանակերպ, կենսաբանական օրգանիզմ… Առողջապահության նախարարության պատասխանատուներից ու պաշտոնյաներից ո՞ր կենսաբանական օրգանիզմն է պատասխան տալու տեղի ունեցածի համար։ Չնկարագրեմ, թե ինչ խայտառակ վիճակում են հայտնվել զինվորների մասունքները»,- ԱԺ արտահերթ նիստում այսօր ՀՀ առողջապահության փոխնախարարի պաշտոնակատար Գևորգ Սիմոնյանին հարցրեց անկախ պատգամավոր Տիգրան Ուրիխանյանը։
Գևորգ Սիմոնյանը նշեց, որ այդ դեպքի հետ կապված արդարացումներ չկան։ Որևէ մեկը չի փորձում արդարացնել կատարվածը. «Աբովյանի դիահերձարանի աշխատակիցներն ազատվել են, և դա մասնավոր դեպք է, այն չի կրում համակարգային բնույթ։ Այսօր տեղեկացա նաև, որ քրեական գործ է հարուցվել։ Թող քննությունը լինի, մեղավորները կպատժվեն»։
Տիգրան Ուրիխանյանն արձագանքեց. «Դուք տեղակալ եք։ Այնպես հանգիստ եք ասում։ Աշխատանքից ազատվել են ու վե՞րջ։ Այդքա՞նը»։
Փոխնախարարի պաշտոնակատարը ևս մեկ անգամ ընդգծեց, որ մեղավորները կրելու են ՀՀ օրենքով նախատեսված պատիժ։
Մանրամասները՝ տեսանյութում:
