17.09.2026 | 14:10
ՄԻԵԴ-ն ընդդեմ Հայաստանի վճիռ է կայացրել մահացած զինծառայողի գործով
Հողեր ազատագրողը հողեր հանձնողի հետ բանավեճի չպիտի գնա. Վարդևանյան. ՏԵՍԱՆՅՈՒԹ
Քաղաքականություն
31.05.2021 | 17:01
Վերջին օրերին Նիկոլ Փաշինյանը հանդես է եկել Ռոբերտ Քոչարյանին և Լևոն Տեր-Պետրոսյանին բանավեճի հրավիրելու առաջարկով: Լրագրողների հետ զրույցում «Հայաստան» դաշինքի անդամ Արամ Վարդևանյանն անդրադարձավ հարցին, թե այդ առաջարկի վերաբերյալ ինչպիսի արձագանք կա Ռոբերտ Քոչարյանի կողմից, նա պատրա՞ստ է մասնակցել նման բանավեճի:
«Որպես «Հայաստան» դաշինքի նախընտրական շտաբի ներկայացուցիչ ես հետևյալ կերպ եմ իրավիճակը տեսնում. ՀՀ երկրորդ նախագահը, Արցախի Հանրապետության առաջին նախագահը, որն ազատագրել է հողեր, չպետք է որևէ իրավիճակում բանավեճի մեջ մտնի մի անձի հետ, ով հողեր հանձնող է, մի մարդու հետ, որի նշանակած նախարարն արդեն իսկ հայտարարում է, որ վերջինս հաշվի չի առնում ՀՀ շահերը:
ՀՀ շահերը հաշվի չառնողը ՀՀ շահերին դեմ գնացողն է: Նման անձի հետ բանավիճելու իմաստ և նպատակահարմարություն առհասարակ չեմ տեսնում:
Կարող եմ ասել նաև, որ հանրության ստվար զանգված կա, որը նման միջավայրը տեսնելով, միայն զայրույթ է զգալու, որովհետև Փաշինյանի նկատմամբ հանրային ընդվզումն ու բողոքը այնպիսին չեն, որ նրա հետ պետք է բանավիճել, ինչ-որ բան ասել կամ չասել»,- նշեց Վարդևանյանը՝ հիշեցնելով ռազմագերիների հարցը:
«Եթե այդ անձը որևէ ադեկվատ պատասխան չի տվել ռազմագերիների վերաբերյալ հարցին, նրա հետ ինչի՞ շուրջ բանավիճել»,- հավելեց Վարդևանյանը:
Մանրամասները՝ տեսանյութում:
