24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Այս իշխանությանը մնացել է 22 օր․ Ռոբերտ Քոչարյան
Քաղաքականություն
30.05.2021 | 13:26
ՀՀ երկրորդ նախագահ Ռոբերտ Քոչարյանը հանդիպել է Արարատի մարզի բնակիչների հետ։ Այս մասին հայտնում են «Հայաստան» դաշինքից։
Ըստ տարածված հաղորդագրության Քոչարյանը իր աջակիցներին ասել է․«Նախընտրական շտաբերի և տեղում մարդկանց միասնական դաշտային աշխատանքի շնորհիվ մենք կկարողանանք հասնել ցանկալի արդյունքի։ Պետք է փորձենք որակյալ աշխատանք տանել յուրաքանչյուրս մեր մասով, մենք՝ շտաբերում, դուք՝ այստեղ, տեղում։ Մենք գիտենք՝ որքան բարդ աշխատանք է դաշտային աշխատանքը։ Ընտրական գործընթացի այս երկու թևերի արդյունավետ աշխատելու դեպքում մենք կունենանք այն արդյունքը, որն ուզում ենք։ Այս իշխանությանը մնացել է 22 օր»։
Նա նաև հավելել է, թե տեղի ունեցողը պայքար է․ «Յուրաքանչյուր մարտից առաջ, երբ զինվորի աչքերին նայում էինք, հասկանում էինք՝ հաղթելո՞ւ ենք, թե՝ ոչ։ Նույնն այս պայքարում է։ Մարդկանց աչքերից երևում է, թե ինչ վճռականությամբ են նրանք լցված, ինչ համոզմունքներով են գնում պայքարի»։
