02.11.2024 | 15:05
«Գոյ» թատրոնը կվերսկսի իր բնականոն աշխատանքը
ՏՆՏԵՍԱԿԵՏ․ Տնտեսության վերականգնումը՝ վերապահումով․ երբ և ինչպես կհաղթահարվի ճգնաժամը․ ՏԵՍԱՆՅՈՒԹ
Տնտեսություն
29.05.2021 | 17:02
Եթե պայմանականորեն համարենք, որ Հայաստանը նախորդ տարվա առանձին 4 ամսում աշխատել էր 10.000 դրամ, ապա այս տարվա նույն ժամանակահատվածում աշխատել է 10.260 դրամ։ Այս հաշվարկը հիմնվում է տնտեսական ակտիվության ցուցանիշի՝ ՏԱՑ-ի վրա, որ ամեն ամիս հրապարակում է վիճակագրական կոմիտեն։
Դրա համաձայն՝ նախորդ տարվա նույն ժամանակահատվածի համեմատությամբ հունվար-ապրիլին արդյունաբերությունը աճել է 0.9 տոկոսով, շինարարությունը 20.3 տոկոսով, առևտուրն աճել է 4.8 տոկոսով։ Միայն ծառայությունների ոլորտն է, որ այս վիճակագրության համաձայն նվազել է 2.9 տոկոսով։
«ՏՆՏԵՍԱԿԵՏ» հաղորդման այս թողարկմանն անդրադարձել ենք նաև ըստ ճյուղերի բաշխմանը։ Առևտուրը, ըստ այդմ, ամենամեծ ոլորտն է Հայաստանի տնտեսության մեջ, իսկ գյուղատնտեսությունը տարեց տարի գրեթե չի փոխվում։
Տնտեսագետ Արմեն Քթոյանը հաղորդման ընթացքում բացատրում է, որ հատկապես գյուղատնտեսության, ու նաև մյուս ոլորտներում աճը պետք է լինի ինովացիաների հիմքով, դրանք պետք է լուրջ և համակարգային փոփոխոթյունների ենթարկվեն։
Մանրամասները՝ տեսանյութում։
Գարիկ Հարությունյան
