18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Աջարիայում հունիսի 15-ից կբացվի զբոսաշրջային սեզոնը
Քաղաքականություն
28.05.2021 | 22:15
Աջարիայի կառավարության ղեկավար Թոռնիկե Ռիժվաձեի հայտարարությամբ, տարածաշրջանում զբոսաշրջային սեզոնը կբացվի հունիսի 15-ին: Այս մասին գրում է aliq.ge-ն։
«Մենք ակնկալում ենք աճող զբոսաշրջային հոսք: Ես կցանկանայի խնդրել տուրիզմի դեպարտամենտից և մյուս բոլոր գործակալություններից՝ հունիսի 15-ին պաշտոնապես բացել սեզոնը: Իհարկե, այս ամենը պետք է արվի առավելագույն զգուշությամբ՝ հաշվի առնելով համաճարակաբանների հանձնարարականները: Իհարկե, կարևոր է ունենալ շարունակական ծրագրեր, որոնք ուղղված են նոր զբոսաշրջային ուղղությունների ստեղծմանը: Հատկապես ողջունելի է, որ նոր տեսարժան վայրեր կլինեն ոչ միայն Բաթումիում, այլ գործնականում բոլոր մունիցիպալիտետներում»,- ասել է Ռիժվաձեն կառավարության նիստում:
Ըստ Թոռնիկե Ռիժվաձեի, այսօրվա դրությամբ տարածաշրջանում շաբաթական ավելի քան 60 թռիչք է իրականացվում:
Հիշեցնենք, որ Վրաստանի կառավարության համակարգող խորհրդի որոշման համաձայն` Վրաստանում ցամաքային սահմանները կբացվեն հունիսի 1-ից:
