11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Հայաստանի շախմատիստները կմրցեն Թուրքիայի ներկայացուցիչների հետ. Աշխարհի գավաթ
28.05.2021 | 12:04
Հայաստանի յոթ շախմատիստ շարունակում է պայքարը առցանց անցկացվող շախմատի Աշխարհի գավաթի Եվրոպայի ընտրական մրցաշարում: Երեկ կայացել են նախնական 2-րդ փուլի երկրորդ հանդիպումները և թայ-բրեյքները: Հայաստանի 9 պատվիրակներից յոթը հաջողությամբ լուծեցին իրենց առջև դրած խնդիրը: Հովհաննես Գաբուզյանը, Սամվել Տեր-Սահակյանը, Ռոբերտ Հովհաննիսյանը, Մանուէլ Պետրոսյանը և Շանթ Սարգսյանը հաղթեցին դասական երկու պարտիաներից հետո: Հայկ Մարտիրոսյանը մրցակցին պարտության մատնեց թայ բրեյքում, իսկ Սերգեյ Մովսեսյանը` «Արմագեդոնում»:
Գրոսմայստեր Տիգրան Հարությունյանը և ՖԻԴԵ-ի վարպետ Արմեն Բարսեղյանը պարտություն կրեցին և դուրս մնացին պայքարից: Այսօր տեղի կունենան վերջին` 3-րդ փուլի առաջին հանդիպումները: Մեր շախմատիստներից երկուսը կհանդիպեն իրար հետ, ինչը նշանակում է, որ Հայաստանն արդեն ապահովել է Աշխարհի գավաթի մեկ ուղեգիր:
Իսկ ահա մեր մնացած 5 մրցակիցներից երկուս ներկայացնում են Թուրքիան: Ահա մեր շախմատիստների հանդիպումները. Սերգեյ Մովսեսյան – Ռասմուս Սվանե (Գերմանիա)
Վահապ Սանալ (Թուրքիա) – Հովհաննես Գաբուզյան
Սամվել Տեր-Սահակյան – Եվգենի Ալեքսեև (Ռուսաստան)
Հայկ Մարտիրոսյան – Մանուէլ Պետրոսյան
Ռոբերտ Հովհաննիսյան – Մուսթաֆա Յիլմազ (Թուրքիա)
Յուրի Կուզուբով (Ուկրաինա) – Շանթ Սարգսյան
Հիշեցնենք, որ մրցաշարն անցկացվում է նոկաուտ համակարգով: Երրորդ փուլը հաղթահարած 36 շախմատիստները կնվաճեն աշխարհի գավաթի խաղարկության ուղեգրեր:
