16.07.2026 | 13:16
Ընտանեկան բռնության կանխարգելումը պահանջում է համակարգված և շարունակական աշխատանք․ ՄԻՊ
Իրավիճակը լարված է Սև լճի շրջանում, գիշերը լարվել է նաև Կութ-Նորաբակ հատվածում. ԳՇ պետի տեղակալ. ՏԵՍԱՆՅՈՒԹ
Քաղաքականություն
27.05.2021 | 15:15
Օպերատիվ մարտավարական իրավիճակը հարաբերական լարված է: Այս մասին լրագրողների հետ հանդիպմանը նշեց ՀՀ ԶՈՒ օպերատիվ գլխավոր վարչության պետ-ԶՈՒ ԳՇ պետի տեղակալ, գեներալ-մայոր Էդվարդ Ասրյանը:
«Ադրբեջանի ԶՈւ ստորաբաժանումները մի քանի ուղղությամբ փորձում են վարել իրենց սադրիչ հարկադրական գործողությունները, իսկ ՀՀ ԶՈւ ստորաբաժանումները, հակագործողություններ վարելով, փորձում են ՀՀ տարածք ներթփանցած հակառակորդի ուժերը վտարել մեր տարածքից:
Իրավիճակը սկզբնական ժամանակահատվածում որոշակիորեն լարված էր Սև լիճ Վերիշեն ուղղությամբ՝ Սիսիան-Գորիս տարածաշրջանում: Իսկ գիշերվա ընթացքում իրադրությունը լարվել է նաև Կութ-Նորաբակ ուղղությամբ: Լարվածությունը գագաթնակետին է հասել ժամը 5.00-ի դրությամբ:
Դիտարկելով և գրանցելով, որ հակառակորդի ներթափանցած ստորաբաժանումները, որոնք մեր տարածքում են 1.5-2.5 կմ խորությամբ՝ երկու ուղղությամբ, փորձում են իրենց ուժերը միավորել և ստեղծել ավելի նպաստավոր իրադրություն իրենց համար, որոշում է կայացվել տեղադրել մարտական դիրք, որը կարող էր կասեցնել հակառակորդի գործողությունները: Նշված գործողության ընթացքում հակառակորդի օդային հետախուզությունը հայտնաբերել է մեր գործողությունները և իր ստորաբաժանումներով շրջափակել մեր խմբին և գերեվարել 6 զինծառայողի», – մանրամասնեց ԶՈւ պաշտոնյան:
Մանրամասները՝ տեսանյութում:
