31.07.2026 | 16:36
Ամասիա համայնքին է վերադարձվել ավելի քան 5 հա ապօրինի օտարված արոտավայր
Դուրս գամ փողոց ի՞նչ անեմ, թշնամին տեսնի ներսում ցնցում է, Սիսիանով էլ մտնի՞. Էդմոն Մարուքյան. ՏԵՍԱՆՅՈՒԹ
Քաղաքականություն
27.05.2021 | 13:41Լուրեր
31.07.2026 | 16:06
10 կգ մարիխուանա վերցրած ազգականները կալանավորվել են․ գործն ուղարկվել է դատախազին
31.07.2026 | 15:47
Սինգապուրի վարչապետը շնորհավորել է Փաշինյանին՝ ընտրություններում հաղթանակի առիթով
Նպատակահարմար չեմ համարում այս պահին խորհրդարանում արտահերթ նիստ հրավիրել, փոխարենն Անվտանգության արտահերթ խորհրդի նիստ կարող ենք հրավիրել՝ փոքր խմբով խելք-խելքի տալու՝ ինչ անելիքներ ունենք։ Այս մասին լրագրողների հետ զրույցում նշեց «Լուսավոր Հայաստան» խմբակցության ղեկավար Էդմոն Մարուքյանը:
Մարուքյանը տեղեկացրեց, որ պատգամավորների մի խումբը Վարդենիսում է, պարբերաբար տեղեկություններ են ստանում նաև Սյունիքից և Տավուշից, իսկ Արցախում իրավիճակը համեմատաբար հանգիստ է։
Մարուքյանը հիշեցրեց, որ Պաշտպանության նախարարը Մոսկվայում է, այս իրավիճակում անվտանգության խորհրդի նիստ հրավիրելու առաջարկը կարևոր է, և որ պետք է քննարկեն հետագա քայլերը։
«Կարծում եմ, մեր ձեռքի տակ եղած բոլոր գործիքները պետք է օգտագործենք՝ ՀԱՊԿ-ի, ՄԱԿ ԱԽ դիմելու հետ կապված, ուղղակի տեղեկատվությունը օպերատիվ փոխանակենք, լինենք սթափ և համախմբված՝ արտաքին թշնամու հանդեպ»։
Մարուքյանը տեղեկացրեց, որ իրավաբանները փաստաթուղթ են կազմել, ըստ որի ՀԱՊԿ-ի միջամտության համար նաև կարևոր է, որ դիմենք ՄԱԿ ԱԽ, որպեսզի արձանագրենք, որ ՀՀ-ի նկատմամբ ագրեսիա է տեղի ունենում՝ դիմելով արդեն 4-րդ հոդվածով։
Նախընտրական փուլում իրականացվող գործողությունների վերաբերյալ Մարուքյանը նշեց, որ ոչ մի բան չեն անում, ամեն ինչ դադարեցված է։
Անդրադառնալով պատգամավոր Նաիրա Զոհրաբյանի մեղադրանքներին, թե ընդդիմությունը պետք է թողնի «բուկլետ տպելն» ու բոլոր գործերը, և դուրս գա փողոց, Մարուքյանը նշեց. «Դուրս գամ փողոց, ի՞նչ անեմ, թշնամին էլ տեսնի, որ դրան գումարած ներքաղաքական ցնցումներ են երկրում, մի հատ էլ Սիսիանով մտնեն միջանցքը կտրեն՝ ի՞նչ ենք անելու։ Զգոնությունը պետք է բարձրացնել»։
Մանրամասները՝ տեսանյութում:
