19.12.2025 | 11:44
Հայաստանը եղել և մնում է ՀԱՊԿ դաշնակիցը. Տասմագամբետով
Ընդհանուր լարված իրավիճակ է. Գեղարքունիքի մարզպետը՝ տիրող իրավիճակի մասին. ՏԵՍԱՆՅՈՒԹ
Քաղաքականություն
27.05.2021 | 12:09
Իրավիճակը սահմանի այդ հատվածում, բնակավայրերում շարունակում է նույնը մնալ, կա լարվածություն: Կառավարությունում այսօր լրագրողների հետ զրույցում նշեց Գեղարքունիքի մարզպետ Գնել Սանոսյանը՝ անդրադառնալով սահմանային իրավիճակին։
«Լարվածություն կա, չեմ կարող դա թաքցնել, առավել ևս՝ գիտեք այսօրվա միջադեպի մասին, որը դատապարտելի է»,- ասաց Գնել Սանոսյանը։
Նա չկարողացավ պատասխանել հարցին, թե ինչո՞ւ հայկական կողմը հենց սկզբից չգերեվարեց հայկական տարածքում հայտնված ադրբեջանցի զինվորներին։ Անդրադառնալով հարցին՝ հրաման կա՞ գերի չվերցնել ադրբեջանցիներին, Սանոսյանը նշեց, այդ հարցը ՊՆ-ին ուղղեք. «Մարզում ամեն ինչի համար էլպատասխանատու եմ, բայց կոնկրետ տվյալ իրավիճակի հետ կապված՝ կա ՊՆ, կա ԳՇ և կան Զինված ուժեր, և որոշումները կայացվում են այնտեղ»:
Սանոսյանն ընդգծեց, որ մինչև այս պահը բանակցությունները արդյունք չեն տվել, ադրբեջանցիները շարունակում են գտնվել մեր սուվերեն տարածքում. «Պետք է ժամ առաջ դիվանագիտական ճանապարհով խնդիրը լուծել»:
Նշենք, որ ավելի վաղ ՊՆ-ն հաղորդել էր Գեղարքունիքի սահմանային հատվածում ադրբեջանական զինված ուժերի կողմից շրջափակվել և գերեվարվել է ՀՀ ԶՈՒ վեց զինծառայող։
Մանրամասները՝ տեսանյութում:
