11.10.2026 | 19:18
Արարատ Միրզոյանն աշխատանքային այցով կգտնվի Լեհաստանում
Լապշինը հաշիվ է բացել «Արցախբանկ»-ում՝ ՄԻԵԴ-ի որոշմամբ Ադրբեջանից 30 հազար եվրո ստանալու համար
22.05.2021 | 16:48
Բլոգեր Ալեքսանդր Լապշինը հաշիվ է բացել «Արցախբանկ»-ում։
«Բանկում հաշիվ եմ բացել՝ Ստրասբուրգի Եվրոպական դատարանի որոշամբ Ադրբեջանից 30 000 եվրոյի փոխանցման համար»,- ֆեյսբուքյան իր էջում գրել է Լապշինը՝ գրառմանը կցելով նաև «Արցախբանկ»-ի քարտի լուսանկարը։
Մարդու իրավունքների եվրոպական դատարանը (ՄԻԵԴ) մեղավոր է ճանաչել Ադրբեջանի իշխանություններին հայտնի բլոգեր և լրագրող Ալեքսանդր Լապշինին խոշտանգելու և Բաքվի բանտում նրան սպանելու փորձ կատարելու մեջ: ՄԻԵԴ-ի համապատասխան որոշումը հրապարակվել է հինգշաբթի՝ մայիսի 20-ին:
Միաժամանակ, Ստրասբուրգի դատարանը Բաքվի կառավարությանը պարտավորեցրել է Լապշինին վճարել 30 հազար եվրոյի չափով դրամական փոխհատուցում։
