07.02.2026 | 18:20
Վարչապետը ծանոթացել է «Armenian Helicopters» ընկերության գործունեությանն ու զարգացման ռազմավարությանը
Քանի մենք իշխանության ենք, Մեղրիի միջանցքի հարց չի քննարկվելու. Գևորգ Պապոյան. ՏԵՍԱՆՅՈՒԹ
Քաղաքականություն
21.05.2021 | 15:02
Ճանապարհների ապաշրջափակումը նշանակում է, որ Հայաստանը կարող է օգտվել Ադրբեջանի ճանապարհներից, իսկ Ադրբեջանը՝ Հայաստանի: Այս մասին Factor.am-ի հետ զրույցում նշեց «Իմ քայլը» խմբակցության պատգամավոր Գևորգ Պապոյանը:
«Մենք կարող ենք երկաթուղու միջոցով կապվել Իրանի հետ, Նախիջևանով և Ադրբեջանի բուն տարածքով՝ ՌԴ-ի հետ, ավտոմոբիլային ճանապարհներով նույնպես կարող ենք Ադրբեջանով և Դաղստանով կապվել ՌԴ-ի հետ, և իրենք կկարողանան, օրինակ՝ Տավուշից մտնել և, ասենք, Գյումրիով գնալ այլ պետություն կամ Վայոց ձորով անցել. այսինքն՝ այնպես, ինչպես մենք հարաբերություններ ունենք Վրաստանի հետ, այնպես, ինչպես աշխարհի բոլոր քաղաքակիրթ երկրները հարաբերվում են իրենց հարևանների հետ:
Այլ տարբերակ չենք քննարկում, քան հավասարը հավասարի հետ: Ճանապարհների ապաշրջափակման բոլոր առավելություներից մենք օգտվելու ենք, բնականաբար օգտվելու է նաև Ադրբեջանը: Եթե հավասարը հավասարի հետ տրամաբանությունից դուրս որևէ բան լինի, այդ դեպքում ապաշրջափակումը տեղի չի ունենա: Մենք խոսել ենք դրա մասին: Մնացածը ճամարտակություններ են: Հայաստանը միջանցքի հարց չի քննարկել, չի քննարկում: Եվ քանի դեռ մենք իշխանության ենք, Մեղրիի միջանցքի հարց չի քննարկվելու. դա մենք կարող ենք երաշխավորել»- ընդգծեց Գևորգ Պապոյանը:
Մանրամասները՝ տեսանյութում:
