31.07.2026 | 18:38
Մոսկվան հայտարարում է, թե ՆԱՏՕ-ն ձգտում է Հայաստանին «հեռացնել» ՀԱՊԿ-ից
Մեզ փորձում են կոտրել դրսից և ներսից. Ռուբեն Ռուբինյան. ՏԵՍԱՆՅՈՒԹ
Քաղաքականություն
20.05.2021 | 22:19
Ադրբեջանական զորամիավորումներն առաջ են եկել մոտ 3,5կմ. ստեղծված իրողության ֆիքսումից հետո ՀՀ-ն ուներ երկու ճանապարհ՝ դիմել ուժի կիրառման կամ փորձել դիվանագիտական ճանապարհով լուծել խնդիրը՝ օգտագործելով բոլոր մեխանիզմները և միջազգային ճնշումը: Այս մասին ԱԺ հատուկ նիստում նշեց «Իմ քայլը» խմբակցության պատգամավոր Ռուբեն Ռուբինյանը՝ հավելելով, որ ՀՀ կառավարությունը եկել է ճիշտ որոշման՝ գնալ դիվանագիտական ճանապարհով:
«ՌԴ-ից ստացել ենք առաջարկ՝ ստեղծել եռակողմ հանձնաժողով, որը կիրականացնի դեմարկացիա և դելիմիտացիա: ՀՀ-ն պատասխանել է, որ դեմ չենք այդ հանձնաժողովի ստեղծմանը, բայց դա կարող է տեղի ունենալ ադրբեջանական զորամիավորումների՝ ՀՀ տարածքից դուրս գալու դեպքում»,- նշեց պատգամավորը:
«Մեզ, որպես ժողովուրդ, փորձում են կոտրել դրսից և ներսից»,- ընդգծեց Ռուբինյանը՝ անդրադառնալով մեր զինվորներին նվաստացնելու վերաբերյալ նախօրեին համացանցում տարածված ադրբեջանական ծագման տեսանյութին: «Մեզ ուզում են ներարկել անհուսություն, բայց մենք չպետք է թույլ տանք, որ մեզ կոտրեն»,- նշեց պատգամավորը՝ կոչ անելով երբեք չհիասթափվել Հայաստանից և վստահեցնելով՝ ապագա կա:
Մանրամասները՝ տեսանյութում:
