24.04.2026 | 23:32
Կապանում ջրանջատում կլինի
Մենք ուզում ենք Ադրբեջանի տարածքով անցնենք, իրենք մեր տարածքով չանցնե՞ն․ Փաշինյան․ ՏԵՍԱՆՅՈՒԹ
Տեսանյութեր
20.05.2021 | 20:59
Մենք 30 տարուց մի քիչ պակաս Վրաստանի հետ դեմարկացիայի գործընթաց ենք անցնում: Այս մասին ԱԺ արտահերթ նիստում նշեց վարչապետի պաշտոնակատար Նիկոլ Փաշինյանը:
«Սահմանի 60 տոկոսի վերաբերյալ արդեն ունենք համաձայնեցված դելիմիտացիա, մոտ 30 տոկոսի հետ կապված դեռ աշխատանքը շարունակվում է: Մենք պետք է լուծենք այդ հարցերը:
Մեր մեծագույն խնդիրը մեր ժողովրդի համար խաղաղ զարգացման դարաշրջան բացելն է, մենք պետք է գնանք այս ճանապարհով: Այսօր դրա հնարավորությունը կա… Բայց իլյուզիաներ չունենանք, որովհետև դա միայն մեզնից չի կախված…
Սա նշանակում է, որ մենք պետք է գնանք երկխոսության, կոմունիկացիաների բացման: Մենք ուզում ե՞նք երկաթուղային հաղորդակցություն: Այսինքն՝ մենք ուզում ենք Ադրբեջանի տարածքով անցնենք, Ադրբեջանը մեր տարածքով չանցնի՞: Ո՞նց ենք սա պատկերացնում: Կարող են իրենք էլ չանցնեն, մենք էլ չանցնենք, բայց դա նշանակում է, որ մենք ուզում ենք մեր շրջափակման քաղաքականությունը շարունակել: Չի կարելի այսպես, պետք է գնալ լուծումների»,- ասաց Փաշինյանը՝ հավելելով, որ Հայաստանի կառավարությունը սեփական երկրի ու ժողովրդի դեմ դավադրությունների մեջ չի մտնելու:
Մանրամասները՝ տեսանյութում:
