18.02.2026 | 14:04
«Միասնական ճակատով հանդես կգանք, որպեսզի կարողանանք պարտության մատնել այս վարչախմբին»․ «Հայաքվեն» քաղաքական հայտ է ներկայացնում
Փաստաթուղթը պետք է հրապարակվի. Էդմոն Մարուքյանը դիմել է՝ շտապ արտահերթ նիստ անցկացնելու առաջարկով. ՏԵՍԱՆՅՈՒԹ
Քաղաքականություն
20.05.2021 | 14:20
ԼՀԿ-ն կազմում է հայտարարության տեքստ, որը հիմք է ծառայելու արտահերթ նիստ գումարելու համար: Այս մասին ԱԺ-ում լրագրողների հետ զրույցում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
Նա ներկայացրեց հայտարարության մոտավոր բովանդակությունը. «ՀՀ Սահմանադրության և միջազգային պայմանագրերի մասին օրենքի համաձայն, քաղաքական, ռազմական, ինչպես նաև մարդու իրավունքներին առնչվող որևէ փաստաթուղթ ստորագրվելու պարագայում պետք է նշված փաստաթուղթը վավերացվի ՀՀ խորհրդարանում։
Հայաստանի ժողովրդի թիկունքում հերթական անգամ փաստաթուղթ է նախապատրաստվել, որի բովանդակությունից տեղեկություն չունեն ո՛չ խորհրդարանի պատգամավորները, ո՛չ էլ կառավարության անդամների մեծ մասը, ոչ էլ այլպաշտոնյա: Կրկին առանց ժողովրդի կամ ժողովրդի ներկայացուցիչների հետ քննարկումների, առանց նրանց իրազեկելու, հերթական պրոցեսն է ընթանում»:
Մարուքյանի խոսքով՝ ՀՀ շահերի ընկալումները շատ տարբեր կարող են լինել, հետևաբար, ՀՀ շահերից բխող այդ փաստաթուղթը պետք է մանրամասն ներկայացվի, առնվազն խորհրդարանի քննարկմանը, որից հետո կորոշվի՝ դա ՀՀ շահերից է բխում, թե չի բխում:
Նշենք, որ կառավարության այսօրվա նիստում վարչապետի պաշտոնակատար Նիկոլ Փաշինյանը հայտարարել է. «Այն լուծումները, որոնք այս պահին մեր միջազգային գործընկերների հետ ձեռք են բերված նախնական համաձայնություններ, այդ լուծումները հարյուր տոկոսով համապատասխանում են ՀՀ շահերին ու, այո, եթե Ադրբեջանն այդ պայմանավորվածություններն իրագործի, այո, ես այդ թուղթը ստորագրելու եմ»։
Մանրամասները՝ տեսանյութում:
