18.12.2025 | 23:24
ՀՀ տարածքում ավտոճանապարհները հիմնականում անցանելի են
Զիջելու խնդիր գոյություն չունի. ԿԳՄՍ նախարարի պաշտոնակատար. ՏԵՍԱՆՅՈՒԹ
Քաղաքականություն
20.05.2021 | 13:16
«Այս պահին որևէ անհանգստության խնդիր չկա, կա մտահոգություն ու կան պայմանավորվածություններ, որոնք սպասում ենք, որ դառնան իրականություն»,- այս մասին լրագրողների հետ ճեպազրույցում ասաց ՀՀ ԿԳՄՍ նախարարի պաշտոնակատար Վահրամ Դումանյանը՝ հավելելով, որ բանակցվող փաստաթղթի մասին ավելի շատ տեղեկություն, քան ուղիղ եթերով հրապարակվել է, ինքը չունի։
Կառավարությունը խոստանում էր թափանցիկ գործել և որևէ փաստաթուղթ չստորագրել ժողովրդի թիկունքում, բայց մեկ փաստաթուղթ ստորագրվեց նոյեմբերի9-ին, երկրորդի մասին այսօր հայտարարվեց: Պարզվում է, որ կառավարության ղեկավարը պատրաստվում է փաստաթուղթ ստորագրել, որի բովանդակությանը մեր հասարակությանը ծանոթ չէ: Դուք, որպես այս կառավարության անդամ, վատ չե՞ք զգում, որ ժողովրդին ստել եք: Ի պատասխան այս հարցի՝ Դումանյանը նշեց. «Պետք է սպասել մինչև այդ թուղթը դառնա փաստաթուղթ։ Տիեզերական ուժերի ու մտքերի դավադրությունների տեսությանը չեմ հավատում, և կանխակալ կանխատեսումներ անել, որակավորումներ տալ, ստել և այլն… Ո՞վ ա ստել, ստել բառը միայն ձեզնից լսեցի»:
Դումանյանը հավելեց, որ իրավասու չէ իր ոլորտից դուրս գործունեության վերաբերյալ որևէ պնդում անել:
«Զիջելու խնդիր գոյություն չունի»,- ընդգծեց Դումանյանը: Նա վստահեցրեց, որ կառավարության նիստի փակ մասում չի քննարկվել ստորագրվելիք փաստաթղթի բովանդակությունը։
Մանրամասները՝ տեսանյութում:
