14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
ԱՄՆ Կոնգրեսը խաղաղ ցուցարարների դեմ էրդողանամետների գործողությունները դատապարտող բանաձև է ընդունել
Քաղաքականություն
07.06.2017 | 10:19
397 կողմ, 0՝ դեմ ձայների քվեարկությամբ ԱՄՆ Ներկայացուցիչների պալատն ընդունել է Վաշինգտոնում մայիսի 16-ին խաղաղ ցուցարարների դեմ Թուրքիայի նախագահ Ռեջեփ Թայիփ Էրդողանի թիկնազորի գործողությունները դատապարտող բանաձև: Այս մասին տեղեկացնում է asbarez.com-ը։
«Այսօրվա քվեարկությամբ Կանգրեսը կանգնեցրեց Անկարայի կողմից Վաշինգտոնի գրավումը»,- ասել է Հայ դատի հանձնախմբի գործադիր տնօրեն Արամ Համբարյանը։
Օրենսդիրները պահանջում են պատասխանատվության ենթարկել բոլոր մեղավորներին, ում գործողությունները հանգեցրել էին բախումների։
Բանաձևի հեղինակը Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսն է․ «Մենք պետք է խոսենք բարձրաձայն և հստակ այն մասին է, որ մենք պետք է պաշտպանենք մեր քաղաքացիներին ու մեր քաղաքացիների խոսքի ազատության և հավաքներ անցկացնելու հիմնարար իրավունքները»։
«Թուրքական անվտանգության ծառայությունը գործել է ոչ պրոֆեսիոնալ և կոշտ, ինչը բացասական ազդեցություն է թողնում նախագահ Էրդողանի և Թուրքիայի կառավարության վրա։ Բոլոր մեղավորները պետք է ենթարկվեն պատասխանատվության՝ համաձայն ԱՄՆ-ի օրենքի»- ասված է բանաձևում։
ԱՄՆ Կոնգրեսի բանաձևերը դեկլարատիվ բնույթ են կրում և չունեն օրենքի կարգավիճակ, դրանց դրույթները պարտադիր իրականացման ենթակա չեն:
Ինչպես ավելի վաղ տեղեկացրել էր Factor.am-ը, ս․թ մայիսի 16-ին Թուրքիայի նախագահ Ռեջեփ Թայիփ Էրդողանի՝ ԱՄՆ կատարած պաշտոնական այցի դեմ բողոքարկող հայ, քուրդ և ասորի
խաղաղ ցուցարարների վրա էրդողանամետ խումբը հարձակում էր իրականացնել։
