29.04.2026 | 12:05
Հայաստանում շուտով կբացվի «Յուվենտուս»-ի ակադեմիան․ ղեկավարները ներկայացնում են ծրագիրը․ ՈՒՂԻՂ
ԱՄՆ-ն ակնկալում է, որ Պուտին-Բայդեն հանդիպումը կկայանա առաջիկա շաբաթներին․ Բլինքեն
Քաղաքականություն
18.05.2021 | 19:58
Սպիտակ տունն ակնկալում է, որ ՌԴ և ԱՄՆ նախագահներ Վլադիմիր Պուտինի ու Ջո Բայդենի հանդիպումը տեղի կունենա առաջիկա շաբաթների ընթացքում։ Այս մասին այսօր հայտարարել է ԱՄՆ պետքարտուղար Էնթոնի Բլինքենը, հաղորդում է VOA-ն:
«Ինչպես գիտեք՝ նախագահներ Բայդենի և Պուտինի հանդիպման առաջարկ կա», – ասել է նա Իսլանդիայի արտաքին և միջազգային զարգացման համագործակցության հարցերով նախարար Գուդլաուգուր Թոր Թորդարսոնի հետ մամուլի ասուլիսի ժամանակ:
«Ակնկալում ենք, որ նրանց հանդիպումը կկայանա առաջիկա շաբաթների ընթացքում։ Կարևոր եմ համարում կրկին հարցերը դեմ առ դեմ քննարկելու հնարավորությունը»,- ընդգծել է Բլինքենը։
Տաթև Ֆռանգյան
