30.06.2026 | 16:24
Դոհայում ԱՄՆ-Իրան ուղիղ բանակցություններ չեն անցկացվի
Ադրբեջանը մասնակի ոչնչացրել է Շուշիի հայկական գերեզմանոցը
Քաղաքականություն
18.05.2021 | 18:49
Ադրբեջանը մասնակի ոչնչացրել է Շուշիի հայկական բազմադարյա գերեզմանոցը։ Այս մասին տեղեկանում ենք Caucasus Watch Heritage-ի թվիթերյան էջից։
Ճանապարհի արևմտյան մասում գտնվող տարածքի մասը, որը տանում է դեպի քաղաք, հողին է հավասարեցվել շինարարության ժամանակ։ Գերեզմանոցում, որը ճանապարհի երկու կողմերում է, եղել է 1834-1920 թվականների 96 գերեզման և 12-13-րդ դարերի երկու խաչքար, այդ թվում՝ հայ հայտնի ընտանիքների՝ մելիքների դամբարաններ։
Կազմակերպությունը նաև նշում է, որ հայտնի չէ վնասված գերեզմանների ընդհանուր թիվը։
Ավելի վաղ էլ Caucasus Watch Heritage-ը հայտնել էր Արցախի Մեծ Թաղեր գյուղի հայկական գերեզմանոցի ոչնչացման մասին ու ահազանգել նույն գյուղի՝ 1846թ․ հիմնված հայկական Սուրբ Ամենափրկիչ եկեղեցու քանդման վտանգի մասին։ Այսպիսով, Ադրբեջանը շարունակում է Արցախի գրավյալ տարածքներում հայկական կրոնական ու պատմամշակութային ժառանգության ոչնչացումը։
Էմմա Չոբանյան
