17.09.2026 | 13:45
Թրամփը սպառնում է ԵՄ-ի հետ առևտրի դադարեցմամբ՝ Կանադայի հետ մերձեցման պատճառով
Ֆրանսիան պատրաստ է, ըստ անհրաժեշտության, ՄԱԿ-ի մանդատով ռազմական աջակցություն ցուցաբերել․ Փաշինյան․ ՏԵՍԱՆՅՈՒԹ
Քաղաքականություն
14.05.2021 | 20:15
Ֆրանսիայի նախագահ Էմանուել Մակրոնը հայտնել է, որ Ֆրանսիան պատրաստ է նաև ռազմական օգնություն տրամադրել Հայաստանին։ ԱԺ արտահերթ նիստի ժամանակ այս մասին հայտարարեց վարչապետի պաշտոնակատար Նիկոլ Փաշինյանը։
«Երեկ ես հեռախոսազրույց ունեցա Ֆրանսիայի նախագահի հետ, և Մակրոնի դիրքորոշումը նույնպես եղել է միանշանակ։ Ավելին, նա ասել է, որ դիտարկում է հարցի տեղափոխումը ՄԱԿ-ի անվտանգության խորհուրդ։ Ասել է, որ անվտանգության ՄԱԿ-ի մանդատով, ըստ անհրաժեշտության, Ֆրանսիան պատրաստ է նաև ռազմական աջակցություն ցուցաբերել հարցի կարգավորման միջազգային ջանքերին»,- ասաց Փաշինյանը։
«Կարևոր է, որ այս թեմայով անվտանգության խորհրդի մշտական անդամները միմյանց հետ հաղորդակցության մեջ լինեն»,-նշեց Փաշինյանը: Նա նաև հավելեց` Հայաստանը հետևում է այդ գործընթացներին։
Մանրամասները՝ տեսանյութում:
