09.06.2026 | 21:33
Բաքվի վերաքննիչ դատարանում Արայիկ Հարությունյանի փաստաբանը խնդրել է արդարացնել իր պաշտպանյալին
Իսրայելը հարվածներ է հասցրել Գազայի հատվածում ՀԱՄԱՍ-ի դիրքերի ուղղությամբ․ 25 պաղեստինցի է զոհվել
Քաղաքականություն
11.05.2021 | 13:56
Իսրայելական զինվորականները հաղորդել են, որ հարվածներ են հասցրել Գազայի հատվածում պաղեստինյան ՀԱՄԱՍ-ի դիրքերի ուղղությամբ, գրում է ՏԱՍՍ-ը։
Հարվածների հետևանքով առնվազն 25 պաղեստինցի է զոհվել։ Այս մասին հաղորդում է Dunya Al Watan-ը՝ վկայակոչելով Պաղեստինի Առողջապահության նախարարության տվյալները։
Ավելի վաղ հաղորդվել էր 107 պաղեստինցի վիրավորի մասին, որոնց մի մասի վիճակը ծանր է։ Նշվում է նաև, որ զոհվածներից 9-ը երեխաներ են։
Իսրայելի և Գազայի հատվածի սահմանին իրավիճակը կտրուկ սրվել է երկուշաբթի, երբ, ըստ տեղեկությունների, պաղեստինյան կողմից իսրայելական քաղաքների հրթիռակոծություն է սկսվել։ Նշվում է, որ առնվազն 6 հրթիռ է արձակվել Երուսաղեմի ուղղությամբ։ Սդերոտ քաղաքում էլ հակատանկային հրթիռի զոհ է դարձել մեկ իսրայելցի։
Նշվում է, որ ներկայում իսրայելական տարածքի հրթիռակոծությունը շարունակվում է, զինվորական աղբյուրները հաղորդում են Իսրայելի հարավային շրջաններում և քաղաքներում օդային տագնապի ազդանշանների գործարկման մասին։
Իսրայելի ԱԳ նախարարությունը միջազգային հանրության կոչ է արել դատապարտել ՀԱՄԱՍ-ի գործողությունները։
Սաուդյան Արաբիան, իր հերթին, միջազգային հանրությանը կոչ է արել Իսրայելին մեղավոր ճանաչել տարածաշրջանում լարվածության սրման համար։
