27.04.2026 | 11:20
Արամ Սարգսյանը ներկայացնում է «Հանրապետություն» կուսակցության նախընտրական ծրագիրը․ ՏԵՍԱՆՅՈՒԹ
Գյումրիում արդեն նախընտրական եռուզեռ է․ փողոցներում նախընտրական պաստառներ են փակցվում․ ԼՈՒՍԱՆԿԱՐՆԵՐ
Քաղաքականություն
10.05.2021 | 22:21
Գյումրիում նախընտրական եռուզեռն արդեն սկսված է։ Չնայած ընտրությունների օրը դեռևս պաշտոնապես նշանակված չէ, հետևաբար՝ նախընտրական քարոզարշավ էլ չկա, քաղաքում արտահերթ խորհրդարանական ընտրությունների ակտիվ նախապատրաստական աշխատանքներ են ընթանում՝ բացվում են տարբեր կուսակցությունների գրասենյակներ, փողոցներում էլ կարելի է արդեն հանդիպել նախընտրական պաստառների։
Մասնավորապես, Գյումրիի կենտրոնում գտնվող նախկին սպասարկման տարբեր օբյկետների շենքեր այսօր կուսակցական գրասենյակների են վերածվել։
Սայաթ-Նովա փողոցում գրեթե իրար հարևանությամբ բացվել են Մհեր Արմենիայի «Ազգի ձայնը» և Վահե Հակոբյանի «Վերածնվող Հայաստան» կուսակցությունների գրասենյակները։ Վերջինը, հիշեցնենք, ընտրություններին մասնակցելու է ՀՀ երկրորդ նախագահ Ռոբերտ Քոչարյանի ու ՀՅԴ-ի հետ դաշինքով։
Նախընտրական պաստառների առումով դեռևս ամենաակտիվը իշխող «Քաղաքացիական պայմանագիր» կուսակցությունն է, որի պաստառները կարելի է տեսնել կանգառներում, մայթեզրերին առկա գովազդային վահանակների վրա։
Փողոցներում առկա այլ բովանդակությամբ գովազդային վահանակներն ակտիվորեն փոխվում են, որոնց նույնպես, ըստ երևույթին, կփոխարինեն նախընտրական պաստառները։
Էմմա Չոբանյան
