30.06.2026 | 10:03
Արտարժույթների փոխարժեքները՝ հունիսի 30-ի դրությամբ
Երկու ռուսաստանցիներ իրենց մեղավոր են ճանաչել Միացյալ Նահանգների դեմ կիբերհանցագործությունների գործով
Քաղաքականություն
07.05.2021 | 22:54
Ռուսաստանի Դաշնության երկու քաղաքացի, ինչպես նաև Լիտվայից և Էստոնիայից ժամանած երկու ներգաղթյալներ իրենց մեղավոր են ճանաչել ԱՄՆ-ում ֆինանսական հաստատությունների և ֆիզիկական անձանց վրա վիրուսային ծրագրերի տարածման և կիբերհարձակումների հետ կապված մեղադրանքներում։ Այս մասին գրում է ՌԻԱ Նովոստին, հղում անելով ԱՄՆ արդարադատության նախարարությանը:
«Արևելյան Եվրոպայի չորս քաղաքացիներ իրենց մեղավոր են ճանաչել դավադրության մեջ՝ մասնակցություն ունենալով կազմակերպված հանցավոր կազմակերպությանը (RICO)։ Նրանք տրամադրել են անխոցելի հոստինգի ծառայություններ 2008-ից 2015 թվականներին, որոնք կիբերհանցագործներն օգտագործել են չարամիտ ծրագրեր տարածելու համար, ինչպես նաև հարձակումներ ֆինանսական հաստատությունների և ֆիզիկական անձանց վրա Միացյալ Նահանգների ողջ տարածքում », – ասված է արդարադատության նախարարության հայտարարության մեջ:
Դատարանի փաստաթղթերի համաձայն, այս գործով իրենց մեղավոր են ճանաչել երկու ռուսաստանցիներ ՝ Ալեքսանդր Գրիչիշկինը, Անդրեյ Սկվորցովը, ծնունդով Լիտվայից ՝ Ալեքսանդր Սկորոդումովը և Էստոնիայի քաղաքացի Պավել Ստասին: Նրանք կազմակերպության անդամներ և հիմնադիրներ էին, որոնք տրամադրում էին «անթույլատրելի» հոսթինգ, որը թույլ էր տալիս հաճախորդներին վնասակար ծրագրեր ուղարկել առանց բողոքների պատճառով արգելափակվելու ռիսկի: Ինչպես նշել է արդարադատության նախարարությունը, ՀԴԲ-ն հետաքննել է այս գործը` համագործակցելով Գերմանիայի, Էստոնիայի և Մեծ Բրիտանիայի իրավապահ մարմինների հետ:
Ստասին, Սկորոդումովը և Գրիշիշկինը իրենց մեղավոր են ճանաչել այս տարվա փետրվարին և մարտին, Սկվորցովը ՝ ուրբաթ, մայիսի 7-ին: Պատժաչափի հայտարարումը նշանակված է համապատասխանաբար հունիսի 3-ին, հունիսի 29-ին, հուլիսի 8-ին և սեպտեմբերի 16-ին: Մեղադրանքների համար առավելագույն պատիժը 20 տարվա ազատազրկումն է:
