12.05.2025 | 12:59
Թեհրանը ձգտում է համաձայնության հասնել ԱՄՆ-ի հետ բանակցություններում և կշարունակի խաղաղ միջուկային ծրագիրը․ Իրանի նախագահ
Համաձայն եմ ցանկացած եղանակով մաքրել դատական իշխանությունը․ պայմանները հետևյալն են․ Վ․ Վարդանյան. ՏԵՍԱՆՅՈՒԹ
Քաղաքականություն
07.05.2021 | 16:23
Այս իշխանության ուժը՝ գործադիր, թե օրենսդիր, նրանում է, որ դատարանին չի ասելու՝ ինչ անել: Ազգային ժողովի այսօրվա նիստում երկրորդ անգամ հայտարարեց «Իմ քայլը» խմբակցության պատգամավոր Վլադիմիր Վարդանյանը՝ արձագանքելով ԱԺ անկախ պատգամավոր Արման Բաբաջանյանի ելույթին:
«Ձեզ հետ լիովին համաձայն եմ, որ անկախ դատական իշխանություն նշանակում է ոչ միայն այն, որ իշխանության թևերը չեն ասում դատարան իշխանությանը՝ ինչ անել, այլ նաև որ դատարանն անկախ է որևիցե տեսակի էքստերնալ միջամտությունից:
Իսկ ինչ վերաբերում է կարողանալ-չկարողանալուն՝ կասկածող եմ ման գալիս, պարո՛ն Բաբաջանյան:
Ես համաձայն եմ, որ դատական համակարգում լրջագույն բարեփոխումների կարիք կա, բայց դրանք պետք է լինեն ոչ թե 1, 2, 3 քայլանոց, այլ պերմանենտ բարեփոխումներ, որովհետև հասարակական հարաբերությունները զարագանում են, դատական իշխանությունը զարգանում է, և պետք է գնանք առաջ»,- նշեց իմքայլական պատգամավորը:
«Համաձայն եմ ցանկացած եղանակով մաքրել դատական իշխանությունը. պայմանները հետևյալն են՝ այդ եղանակները պետք է լինեն արդյունավետ, իրավական, պետք է համահունչ լինեն միջազգային չափորոշիչներին և ապացուցեն, որ ՀՀ-ն իրավական պետություն է, այլ ոչ թե հակառակը»,- ընդգծեց Վարդանյանը:
Մանրամասները՝ տեսանյութում:
