27.11.2024 | 19:45
Մրցույթ, որը չթույլատրվեց լուսաբանել․ ովքեր ընտրվեցին Երևանի քաղաքապետարանի թափուր պաշտոններում
Թայլանդը մտադիր է հարկ վերցնել զբոսաշրջիկներից
Քաղաքականություն
07.05.2021 | 21:54
Թաիլանդի կառավարությունը նախատեսում է 2022 թվականի հունվարից ներդնել 300 բաթ (ավելի քան 9,6 դոլար) տուրիստական հարկ: Նման վճար մտցնելու գաղափարը տեղի իշխանությունների կողմից քննարկվում է 2016 թվականից, իսկ դրա չափը հաստատվել է 2021 թվականի հունվարից, գրում է «Կոմերսանտը»:
Այս հարկատեսակից ստացված հասույթը կուղղվի զբոսաշրջության հիմնադրամի ստեղծմանը, որը կօգտագործվի արտակարգ իրավիճակներում: Գաղափարն արդեն հաստատվել է Թաիլանդի Զբոսաշրջության ազգային կոմիտեի կողմից:
Նշվում է, որ հիմնադրամի գումարները կկարողանան օգնել երկրի տուրիստական ճյուղին ապագայում «հաղթահարել անորոշությունը», պարզաբանել է Թայլանդի Զոբոսաշրջության ու սպորտի նախարար Պիպատ Ռատչակիտպրական։
Նախարարության հաշվարկների համաձայն՝ եթե 2022 թվականին Թայլանդ այցելի 20,8 միլիոն մարդ, ապա այդ հիմնադրամում կհավաքվի 6,2 միլիարդ բատ (ավելի քան 198 միլիոն դոլար)։
