11.10.2026 | 19:18
Արարատ Միրզոյանն աշխատանքային այցով կգտնվի Լեհաստանում
Amnesty International-ը Նավալնիին կվերադարձնի «խղճի բանտարկյալի» կարգավիճակը
Քաղաքականություն
07.05.2021 | 19:11
Amnesty International-ը հաջորդ շաբաթ կվերադարձնի ռուս ընդդիմադիր քաղաքական գործիչ Ալեքսեյ Նավալնիին «խղճի բանտարկյալի» կարգավիճակը։ Այս մասին հայտարարել է Նավալնիի կողմնակից Լեոնիդ Վոլկովը՝ ելույթ ունենալով Կանադայի Համայնքների պալատի արտաքին հարաբերությունների հանձնաժողովում, գրում է Reuters-ը։
«Նրանք երեկ ինձ հայտնել են, որ մայիսի 12-ին մամլո հաղորդագրություն կհրապարակեն այն բանից հետո, երբ կուսումնասիրեն, թե ինչպես կարող է ռուսական ապատեղեկատվության քարոզարշավն ազդել նրանց վրա։ Նրանք ոչ միայն կվերականգնեն նրա կարգավիճակը, այլ նաև կպարզեն կատարվածի հանգամանքները»,- հայտարարել է Վոլկովը։
Կազմակերպությունում դեռևս չեն մեկնաբանել նրա խոսքերը։ Amnesty International-ը Նավալնիին զրկել էր «խղճի բանտարկյալի կարգավիճակից այս տարվա փետրվարին։ Պատճառը քաղաքական գործչի մի քանի տարի առաջ արած հայտարարություններն էին, որոնք նա չի հերքել: Ինչպես հայտնել են կազմակերպությունից՝ Նավալնիի հայտարարությունները գնահատվում են որպես «ատելության, ատելության խոսքի շեմին մոտ»:
