19.11.2024 | 10:14
Արտարժույթների փոխարժեքները՝ նոյեմբերի 19-ի դրությամբ
Տպավորություն է՝ կորոնավիրուսը ձեր հիշողության վրա հետք է թողել․ Բաբաջանյանը՝ Հովեյանին
07.05.2021 | 13:10
Վերահսկիչ պալատի 2012-ի հաշվետվության աշխատանքներին մասնակցել է նաև ինքը՝ թեկնածուն՝ հիշեցնելով, որ 2013 թվականին Վերահսկիչ պալատի նախկին նախագահ Իշխան Զաքարյանը ԱԺ ամբիոնից այդ հաշվետվությունը ներկայացնելիս հայտարարում էր, որ բյուջեն թալանվել է 70 տոկոսով, որից հետո եղան աղմկահարույց քաղաքական գնահատականներ, և արդյունքում՝ պալատի ղեկավարը պաշտոնանկ եղավ: Այս մասին այսօր ԱԺ-ում Հաշվեքննիչ պալատի անդամի թեկնածության քննարկման ժամանակ նշեց պատգամավոր Արման Բաբաջանյանը՝ դիմելով թեկնածու Գագիկ Հովեյանին:
«Արդյոք այդ ծավալների թալան եղե՞լ է, թե՞ ոչ»- հետաքրքրվեց պատգամավորը:
Հովեյանը պատասխանեց, որ հաշվետվությանը մասնակցություն ունեցել է այնքանով, որքանով ստուգումների իրականացմանը մասնակցություն է ունեցել: Նա նշեց որ այն ժամանակ ինքն աշխատել է Վերահսկիչ պալատում որպես վարչության պետ և լայն ինֆորմացիա, այնպիսի փաստաթղթեր չի ունեցել իր ձեռքի տակ, ինչպիսին Իշխան Զաքարյանը:
«Հաշվեքննիչ պալատի անդամը չպետք է զբաղվի քաղաքականությամբ և քաղաքական որակումներով, ուստի առջևում ընտրություններ են, կլինեն դեբատներ, և ճիշտ կլինի ձեր հարցը Զաքարյանին տաք»,- նշեց Հովեյանը:
Բաբաջանյանն արձագանքեց. «Տպավորություն ունեմ, կորոնավիրուսը ձեր հիշողության վրա հետք է թողել… Չէ, Ձեզ քաղաքական դաշտ չեմ ուղղորդում, իսկ Իշխան Զաքարյանին գիտեմ՝ ինչ կհարցնեմ»: Պատգամավորը հավելեց, որ իր համար տարակուսելի և անհասկանալի է Հովեյանի թեկնածության առաջադրումը:
Մանրամասները՝ տեսանյութում:
