15.10.2026 | 16:19
Ռումինիայի ափերի մոտ լցանավի վրա բռնկված հրդեհից հետո 8 նավաստի անհետ կորել է
Ն. Ս. Օ. Տ. Տ. Գարեգին Բ-ն հույս է հայտնել, որ Պոլսի Հայոց պատրիարքի ընտրությունը կկազմակերպի կանոնադրությանը համապատասխան
06.06.2017 | 14:57
Մայր Աթոռ Սուրբ Էջմիածնում Ծայրագույն պատրիարք և ամենայն հայոց կաթողիկոս Ն. Ս. Օ. Տ. Տ. Գարեգին Բ-ի նախագահությամբ քառօրյա աշխատանքն է սկսել Եկեղեցական-ներկայացուցչական վեցերորդ ժողովը․ տեղեկացնում է Մայր Աթոռի տեղեկատվական համակարգը։
ժողովին մասնակցում է 150 պատգամավոր՝ Հայ եկեղեցու թեմակալ առաջնորդներ, առաջնորդական տեղապահներ, Մայր աթոռում և Նվիրապետական աթոռներում պաշտոնավարող եպիսկոպոսներ, Հայրապետական պատվիրակներ, Գերագույն հոգ ևոր խորհրդի անդամներ և այլն: Ներկա չէր Երուսաղեմի Հայոց պատրիարքը:
Ժողովի մեկնարկին բացման խոսքով հանդես են եկել Գարեգին Բ Ծայրագույն Պատրիարք և Ամենայն Հայոց կաթողիկոսը:
«Մեր եկեղեցու առջև ծառացած մարտահրավերների հաղթահարումը անկարելի էր պատկերացնել առանց եկեղեցական կառույցների սերտ և ամուր գործակցության. այս առումով մեծապես կար ևոր էր Նվիրապետական աթոռների, թեմերի և եկեղեցական մյուս կառույցների սերտ և ջերմ հարաբերությունների խորացումը: Գոհունակությամբ եմ արձանագրում, որ բարվոք են Մայր աթոռի հարաբերությունները Նվիրապետական աթոռի հետ: Տ ևական ժամանակ շարունակում եմ գործել միասնական հանձնախմբերը Մեծի Տանն Կիլիկիո կաթողիկոսության հետ: Եղբայրական այդ հարաբերությունների շնորհիվ հնարավոր եղավ գումարել եպիսկոպոսաց միասնական ժողովները, որոնց արդյունքում Հայոց ցեղասպանության նահատակների սրբադասումը կատարեցինք»,- ասել է Ամենայն Հայոց կաթողիկոսը:
Նա իր խոսքում անդրադարձել է վերջին ամիսներին Կոստանդնուպոլսի Հայոց պատրիարքության շուրջ ստեղծված իրավիճակին՝ հույս հայտնելով, որ պատրիարքարանի նորընտիր տեղապահը նախանձախնդրությամբ կիրականացնի պատրիարքարանի ընթացիկ աշխատանքները և ընդունված կարգով և կանոնադրությանը համապատասխան կկազմակերպի Պոլսի Հայոց պատրիարքի ընտրությունը:
Ժողովը, որը կտևի հունիսի 6-9-ը, օրակարգում ունի հետևյալ հարցերը. Եկեղեցական-ներկայացուցչական ժողովի դիվանի և հանձնախմբի ընտրություն, Ազգային-եկեղեցական ժողովի կանոնադրության նախագծի քննարկում, Գերագույն հոգ ևոր խորհրդի անդամների ընտրություն, զեկույց թեմերում ուղենշային փաստաթղթի ներդրման գործընթացի մասին, «2018-ը՝ երիտասարդության տարի» ծրագրի ներկայացում:
