29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Հրայր Թովմասյանը հրաժարականի դիմում է ներկայացրել
16.02.2018 | 11:29
ՀՀ ԱԺ պետաիրավական և մարդու իրավունքների պաշտպանության հարցերի մշտական հանձնաժողովի նախագահ Հրայր Թովմասյանը առաջադրվել է Սահմանադրական դատարանի անդամի պաշտոնում։ Այս մասին այսօր ԱԺ արտահերթ նիստի սկզբում հայտարարեց ԱԺ նախագահ Արա Բաբլոյանը:
ԱԺ նախագահը նաև հայտնեց՝ Հրայր Թովմասյանը ԱԺ պետաիրավական և մարդու իրավունքների պաշտպանության հարցերի մշտական հանձնաժողովի նախագահի պաշտոնից հրաժարականի դիմում է ներկայացրել: ԱԺ պատգամավորները սկսեցին ծափահարել:
«Բոլորը ուրախ են, որ գնում եք»,- տեղից արձագանքեց ԱԺ փոխնախագահ Էդուարդ Շարմազանովը: Բաբլոյանը փորձեց շտկում մտցնել ասելով՝ բոլորը հասկացան, որ ծափահարությունները վերաբերվում են հայտարարության առաջին հատվածին:
