25.06.2026 | 02:11
ԱԱ-2026. Շվեյցարիան ու Կանադան դուրս եկան փլեյ-օֆֆ. ՏԵՍԱՆՅՈՒԹ
Վարչապետը հրաժարական տալու որևէ պատճառ չունի. Սերժ Սարգսյան
Քաղաքականություն
06.06.2017 | 14:22
Աշխատանքային այցի շրջանակներում Տավուշի մարզ մեկնած ՀՀ նախագահ Սերժ Սարգսյանը Կողբ համայնքում «Թումո» կենտրոնի հիմնարկեքին մասնակցելուց առաջ լրագրողների հետ ճեպազրույցի ընթացքում անդրադարձել է մամուլում շրջանառվող այն տեղեկություններին, թե իր և վարչապետ Կարեն Կարապետյանի հարաբերություններում լարվածության կա և հնարավոր է վարչապետը հրաժարական տա․ տեղեկացնում է panorama.am-ը։
«Վարչապետը հրաժարական տալու որևէ պատճառ չունի, իսկ պարբերաբար հրապարակ նետվող լուրերը՝ իբր գոյություն ունեցող հակասությունների մասին, մտացածին են, և իշխանության ու կուսակցության մակարդակում մենք շատ լավ հասկանում ենք, թե ովքեր են այդ բեմադրության հեղինակները, ինչպիսին է նրանց ցանկությունը, բայց կարծում եմ, որ իրավիճակի վրա դա որևէ ազդեցություն ունենալ չի կարող: Մեր երկրում և մասնավորապես մեր կուսակցությունում առողջ աշխատանքային մթնոլորտ է»,- ասել է ՀՀ նախագահը:
