30.06.2026 | 19:14
36 ժամ ջուր չի լինի Երևանի մի շարք հասցեներում
Հռոմեական կոլիզեումը կվերանորոգվի ու կվերադառնա գլադիատորական ժամանակաշրջանի տեսքին
Քաղաքականություն
03.05.2021 | 20:21
Հռոմեական կոլիզեումը կվերանորոգվի, և փայտե հատակը, որի վրա գլադիատորները կռվել են 2000 տարի առաջ, կվերականգնվի: Վերանորոգումը կարժենա 18․5 միլիոն եվրո, և այն պետք է ամբողջությամբ ավարտվի մինչև 2023 թվականը, գրում է BBC-ի ռուսական ծառայությունը:
Ծրագիրն իրականացնելու է Իտալիայի կառավարության հայտարարած մրցույթում հաղթած Milan Ingegneria ինժեներական ընկերությունը:
Կոլիզեումի հատակը հնագետները հեռացրել էին 19-րդ դարում, երբ հայտնաբերել էին դրա տակ գտնվող թունելների ստորգետնյա ցանց, որտեղ, նախքան արենա դուրս գալը, պահում էին գլադիատորներին և կենդանիներին:
Իտալիայի մշակույթի նախարար Դարիո Ֆրանչեսչինին հայտնել է, որ հատակի վերականգնումն այցելուներին հնարավորություն կտա նոր տեսանկյունից տեսնել Կոլիզեումի մեծությունը և վերադարձնել արենայի նախնական տեսքը:
Տաթև Ֆռանգյան
