30.06.2026 | 10:34
Մոնակոյում բնակելի շենքում պայթյուն է որոտացել․ ուկրաինացի գործարար է վիրավորվել
Թուրքիայում կբացվի Վանի թագավորութան պատմությանը նվիրված թանգարան
Մշակույթ
15.02.2018 | 16:14
2018թ.-ին ապրիլի 10-ին Վան քաղաքում բացվելու է թանգարան, որտեղ ներկայացված կլինեն Վանի թագավորության (Ուրարտու) պատմությանը նվիրված գտածոներ և բացառիկ նմուշներ:
Ըստ թուրքական «Demokrathaber» լրատվական կայքի՝ Վանի նահանգապետ և համանուն քաղաքի քաղաքապետի պաշտոնակատար Մուրաթ Զորլուօղլուն հայտնել է, որ թանգարանի բացումը վաղուց էր նախատեսված, սակայն որոշակի խնդիրների պատճառով հետաձգվում էր:
Թանգարանի շինարարությունը, որը դեռևս շարունակվում է, ֆինանսավորվել է Թուրքիայի մշակույթի նախարարության կողմից (10մլն թուրքական լիրա, որը համարժեք է 263 622.23 դոլարի):
Բացման արարողությանը հրավիրվելու են Թուրքիայի մշակույթի և տուրիզմի նախարար Նուման Քուրթուլմուշը:
Աղբյուրը տեղեկացնում է, որ թանգարանի համար երկար ժամանակ նմուշներ են հավաքագրվել շրջակա տարածքներից: 2013թ. դրությամբ նմուշների թիվը հասնում էր 87 հազարի:
Ակնկալվում է, որ այն հանդիսանալու է Թուրքիայի ամենամեծ թանգարաններից մեկը: Թանգարանը զբաղեցնում է 54.000 մ² տարածք:
