14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Թուրքիայում կտրուկ վատացել է կորոնավիրուսային իրավիճակը
Քաղաքականություն
30.04.2021 | 16:44
Թուրքիայում կորոնավիրուսով վարակվածների թիվը ապրիլի 30-ին՝ լոքդաունի առաջին օրը՝ կազմել է 37674 դեպք։ Մեկ օրում մահացել է 339 հիվանդ։ Այս մասին թուրքական լրատվականների հաղորդմամբ՝ հայտնել են երկրի առողջապահության նախարարությունից։
«Այսօր հայտնաբերվել է Covid-19-ի 37 674 նոր դեպք, համաճարակի սկզբից ի վեր՝ 4 788 700։ Մահացել է 339 մարդ, համաճարակի սկզբից ի վեր՝ 39 737 մարդ։ Ծանր վիճակում են գտնվում 3581 հիվանդ»,- ասված է հաղորդագրության մեջ։
Ավելի վաղ Թուրքիայի նախագահ Թայիփ Էրդողանը երկրում լիակատար լոքդաուն է հայտարարել ապրիլի 29-ից մինչև մայիսի 17-ը։
Բոլոր կազմակերպությունները և հաստատությունները կդադարեցնեն իրենց գործունեությունը, բացառությամբ ՆԳՆ շրջաբերականի կողմից հրապարակվածների: Միջքաղաքային տեղաշարժը թույլատրվում է միայն իշխանություններից թույլտվություն ստանալուց հետո: Օտարերկրյա զբոսաշրջիկները պարետային ժամի չեն ենթարկվում:
Տաթև Ֆռանգյան
